शवको शदगत् गर्ने बिषयमा मिलनचोकमा गोली चल्यो ,तीन घण्टाको रस्साकस्सी पछि सुरक्षा निकायले पायो सफलता

7/31/2020 गते 00 00 मा प्रकाशित 2372 पटक पढिएको

करिब ३ घण्टाको रस्साकस्सी पछि सुरक्षाकर्मीले कोरोना भाइरसको संक्रमणबाट मृत्यु भएका तीनवटा शवलाई शदगत गर्नलागि बीरगंज महानगरको उत्तरमा रहेको जंगलभित्र लग्न सफल भएका छन ।

शव सहित खाल्डो खन्नकालागि जेसीवी बाराको जीतपुर बजारबाट पश्चिम तर्फ मोडिने बित्तिकै मिलनचोकमा त्यस क्षेत्रका जनताको उपस्थिति शुरु हुन थालेको थियो ।

मोवाइल मार्फत मिलनचोक आसपासका जनतालाई सुरक्षाकर्मीको प्रतिवाद गर्नकालागि मिलनचोकमा आउन सूचना प्रवाह भयो । एकैछिनमा सैयौ जनताको सहभागिता भयो । शोलखपुर, मिलनचोक कटगेनवा लगायतका गाउँबाट मिलनचोकमा मानिसहरु जम्मा भए ।

उनीहरुले कोरोना भाइरसको संक्रमणका कारण मृत्यु भएकाहरुलाई आफनो क्षेत्रमा शदगत् गर्न नदिने अडान लिएर प्रहरीलाई अवरोध गरे ।

मिलनचोकबाट उत्तर तर्फको जंगलमा नेपाली सेनाले तालिम गर्ने स्थान रहेको छ । त्यही स्थानमा सदगत गर्न शव लिएर गएको सुरक्षाकर्मीको टोलीलाई मिलनचोकमा अवरोध सृजना गरिएको थियो । सुरक्षाकर्मीले स्थानीयलाई निकै सम्झाउने प्रयास गर्यो तर स्थानीयले कुरा बुझिदिएनन ।

पर्साका प्रहरी प्रमुख गंगा पन्तले स्थानीयलाई निकै आग्रह गर्नु भयो तर आग्रहले बाटो खोलेन । सुरक्षाकर्मीलाई स्थानीयले पेल्दै लगेपछि भिड तितर बितर गर्न प्रहरीले ६ राउण्ड अश्रुग्यास र ५ राउण्ड हवाई फायर गर्यो । सुरक्षाकर्मीले अन्तत १० बजे शवलाई शद्गत गर्नकालागि जंगल लगे ।

मिलनचोकमा नेपाल प्रहरी र शसस्त्र प्रहरीको बाक्लो उपस्थिति छ । अहिले त्याहाको अवस्था शान्तिपूर्ण रहेको स्थानीय बुद्धिजीवी प्रकाश अर्यालले बताउनु भएको छ ।

स्थानीयले सुरक्षाकर्मीलाई ढुंगा मुढा समेतले प्रहार गरेका थिए । स्थानीयले भने घाँस दाउरा गर्न जंगल जानु पर्ने बस्तु भाउ चराउन जंगल जाँदा कोरोना भाइरसको संक्रमण फैलने डरका कारण शवको शदगत् गर्न अवरोध सृजना गरेका हुन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।