एक दिन अघि सामाजिक संजालमा डा.निरज सिंहले सम्मानजक मृत्युको बिषयमा मार्मिक पोष्ट साझा गर्नु भयो । मरच्यूरी क्याबिनेट विथ रेफरिज्रेटर (फ्रिजर)को आवश्यकताको बारेमा उहाँले पोष्ट साझा गर्नु भएको हो ।

पर्सामा  बिपत ब्यवस्थापन समितिका कतिपय बैठकमा उहाँले यो कुरा उठाउदै आउनु भएको थियो । तर  बैठकमा डा.निरज सिंहका कुरालाई गम्भिरतापूर्व लिने भन्दा पनि हाँसेर उडाउने धेरै थिए । 

आज परिणाम हेर्दा डा.सिंहले उठाएको कुरा बेलैमा ब्यवस्थापन गर्न सकेको भए मृत शरिरले पनि सम्मान पाउथ्यो । तर आज आफन्तजन इष्टमित्र धन सम्पती हुदा हुदै पनि शवहरु बेवारिसे भएका छन ।

बिपत ब्यवस्थापनका नाममा बैठक गोष्ठी र सेमिरनारहरु भए । त्यसमा फगत भाषण बाहेक केही हुदो रहेनछ भन्ने कुराको पुष्टि यतिवेला आएर भएको छ । 

बीरगंजको अस्थायी कोभिड अस्पताल जुन सम्झौता अनुसार साउन १८ गते सम्मकालागि मात्र त्यो भवन उपलब्ध गराइएको छ । जसको नविकरण नहुने चर्चा चलिरहेको छ । दैनीक संक्रमीत फेला परेको यो अवस्थामा अव होम आइसोलेशनको प्रोटोकल पनि आएको छ । लक्षण सहितका संक्रमीत बढे भने के हुन्छ ? यसको जवाफ दिने कोही देखिदैन । 

कोभिड अस्पताल गण्डकमा आइतवार बिहानर एक ब्यवसायीको उपचारको क्रममा मृत्यु भएको छ । उहाँको शव अहिले पनि अस्पतालको इमरजेन्सीमा छ । इमरजेन्सीमा ७ वटा बेड रहेका छन ।

त्यो शव त्याहा बाट ब्यवस्थापन नगर्दा सम्म इमरजेन्सी वार्ड नै उपयोग बिहिन हुन्छ । यो बेलामा डा. निरज सिंहले दिएको सुझाव अनुसार शव राख्नकोलागि मरच्यूरी क्याबिनेट विथ रेफरिज्रेटरको ब्यवस्था गर्न सकेको भए इमरजेन्सी उपयोगमा पनि आउथ्यो र शवले अन्तिम शतगत नहुदा सम्म सम्मानपूर्ण ठाउ पाउथ्यो ।

ब्यवस्थापकिय हिसावले जिम्मेवार निकायहरु चुक्नुको परिणाम हो यो । आज एउटा मात्र ब्यक्तिको मृत्युले यो अवस्था ल्याएको छ । यो मानव सभ्यातालाई नं संकटमा पार्न सक्ने महामारीमा अन्य पनि मृत्युका घटना हुन सक्छन भन्ने कुराको हेक्का ब्यवस्थापनको जिम्मेवारीमा बसेकाहरुले लिन जरुरी छ । 

डा. सिंहले आफ्नो पोष्टमा ब्यवस्थापनको जिम्मेवारीमा बसेकाहरुले यस्तो कुरा नबुझेको हुनाले नै आम दाताहरु गुहार लगाउनु भएको हो । सरकारले यसलाई गम्भिरता पूर्वक नलिएपछि एउटा चिकित्सकले बीरगंजका दातालाई गुहार लगाउनु भएको छ । बीरगंजका दाताहरुले हरेक संकटमा आफूलाई अगाडि सारेर संकट ब्यवस्थापनमा  हातेमालो गरे छन ।

के एउटा शव, भोली त्यसमा जो पनि हुन सक्छ त्यसलाई सम्मानपूर्ण रुपमा राख्नकालागि एउटा चिकित्सकको अपिललाई बीरगंजका दाताहरुले सहयोग पु¥याउने छन ? । ब्यवस्थापकीय रुपमा अवस्था यही रह्यो भने धेरै पर्खिनु पर्दैन हामी असफल हुनेछौ ।