परम्परा पार्टी,प्यालेसमा संयुक्त रक्तदान, नेता राजेशमानद्वारा कार्यक्रम शुभारम्भ

7/15/2020 गते 00 00 मा प्रकाशित 1194 पटक पढिएको

साहिब दरबार सेवा संस्थान र जनता समाजवादी पार्टी नेपाल बीरगंज महानगर कार्य समितिको संयुक्त आयोजनामा रक्तदान कार्यक्रम भएको छ ।

रक्त संचार केन्द्रले रक्त अभाव भएको भन्दै सामाजिक संघ संस्थाहरुलाई रक्तदान कार्यक्रममो आयोजना गरेर जीवनदानको महाअभियानलाई सघाउन अपिल गरेको थियो । रक्त संचार केन्द्रको अपिललाई आधार मानेर आयोजक संस्थाले रक्तदान कार्यक्रमको आयोजना गरेका हुन ।

बीरगंजको बिर्तामा रहेको परम्परा पार्टी प्यालेसमा आयोजन गरिएको रक्तदान कार्यक्रमको जनता समाजवादी पार्टीका पर्सा अध्यक्ष राजेशमान सिंहले रक्तदान गरेर कार्यक्रमको शुभारम्भ गर्नु भएको हो ।

कार्यक्रममा जनता समाजवादी पार्टीका नेता शशीकपुर मिया,सीपु तिवारी जितेन्द्र साह , श्यामबाबू साह , सन्दिप साह , मेघनाथ साह , सरोज कुश्वाह , कृष्ण पटेल , सन्दिप पटेल ,रबिन्द्र पटेल लगायतकाले रक्तदान गर्नु भएको थियो ।

रक्तदान कार्यक्रममा बीरगंज महानगरपालिकाका प्रमुख बिजय कुमार सरावगी जसपाका नेता नेजामुदिन समानी लगायतका नेता तथा कार्यकर्ताहरुको सहभागिता रहेको थियो ।

अहिले सम्म २ सय भन्दा बढीले रक्तदान गर्नु भएको महानगर प्रमुखका राजनीतिक सल्लाहकार मुकेश द्विवेदीले जानकारी दिनु भएको छ । रक्तदान कार्यक्रममा रक्तसंचार केन्द्रका प्राविधिक कर्मचारीहरुको सहायोग रहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।