व्यावसाय संचालन गर्न पाउनुपर्ने होटल व्यवसायीको माग
वीरगन्जका होटल तथा पर्यटन व्यवसायीहरुले कोरोना भाईरस (कोभिड १९) को प्रभावले ठप्प रहेको होटल तथा रेस्टुरेण्ट व्यवसाय संचालन गर्न पाउनुपर्ने माग गरेका छन् । कोरोना भाईरस महामारीले गर्दा विश्व नै आक्रान्त भएको अवस्थामा नेपालका सम्पूर्ण क्षेत्र पूर्ण रुपमा प्रभावित भएको अवस्थामा होटल तथा पर्यटन व्यवसायलाई पनि क्षति पुगेकोले आवश्यक सुरक्षात्मक उपाय सहित नियामानुसार व्यवसाय संचालन गर्ने वातावरण बनाईदिन माग गर्दै पर्साका प्रमुख जिल्ला अधिकारी विष्णु कुमार कार्कीलाई ज्ञापपत्र बुझाएका हुन् ।
राजधानी लगायत केही सहरहरुमा रेस्टुरेण्टहरु खुला रहेको र वीरगन्जमा पनि होटलमा संचालित रेस्टुरेण्टहरु खोल्न आवश्यक व्यवस्था मिलाईदिन सरकारसँग आग्रह गरिएको होटल तथा पर्यटन व्यवसायी संघ वीरगन्जका अध्यक्ष हरि पन्तको नेतृत्वमा गएको संघको टोलीले सामाजिक दूरी कामय गरी गराई होटलका रेस्टुरेण्टहरु संचालन गर्ने वातावरण बनाईदिन माग गरेका हुन् ।
लकडाउन अवधिभरको घर बहाल कर, बिजुली, पानी, टेलिफोनको शुल्क एवं बैंक ब्याजदर मिनाहको लागि सरकारी स्तरबाटै पहल गरिदिन तथा भाडामा संचालित होटलहरुको लकडाउन अवधि भरको घर भाडा पूर्ण मिनाह तथा त्यसपछि व्यवसायको स्थिति हेरेर सामान्य अवस्थामा आई नपुग्दा सम्मको लागि आधा भाडा मिनाहको लागि सरकारी स्तरबाटै पहल गरिदिन ३ बुँदे माग सहित ज्ञापनपत्र बुझाएका छन् ।
वीरगन्जका होटल व्यवसायी एवं पूर्व सांसद अनिल रुंगटाले सरकारले लागू गरेको रेस्टुरेण्टबाट लिएर जाने (टेक अवे) को अहिले वीरगन्जमा बानी नरहेकोले ग्रहाकहरु लिएर जाने भन्दा बसेर खान रुचाउने भएकोले यसका लागि स्वास्थ्य सुरक्षाको मापदण्ड पूरा गरि सीमित संख्यामा बसेर खाने गरि रेस्टुरेण्टहरु खोल्ने वातावरण मिलाउन अनुरोध गरे । पर्यटन क्षेत्र सबैभन्दा बढी प्रभावित भएको र कर्मचारीहरुको तलब र बैंकको ऋण समेत तिर्न नसक्ने अवस्थामा रहेका होटल तथा पर्यटन व्यवसायीहरुलाई राहत हुने गरी रेस्टुरेण्टहरु मात्रै संचालनको व्यावस्था सरकारले मिलाई दिए पनि सहज हुने बताए ।
विपदको समयमा सरकारलाई होटेलहरु क्वारेन्टिनको रुपमा प्रयोग गर्न दिएर सुरक्षा सतर्कताको पनि अनुभव भएकोले सोही अनुसार तोकिएको सुरक्षाको मापदण्ड अपनाएर व्यवसाय संचालन गर्न पाए बैंकको ऋण र ब्याज लगायत सरकारलाई कर तिर्न पनि सहज अवस्था आउने व्यवसायीहरुको भनाई छ ।
सम्बन्धित शीर्षकहरु
सीमापारी/अन्तराष्ट्रिय
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
भिजिट भिसा प्रकरण ,पत्रकार महासंघ युकेको स्पाष्टोक्ति, गरिमा ख्याल राख्न अपिल
वीरगंज। नेपाल पत्रकार महासंघ यूकेले अधिवेशनको सन्दर्भमा ‘दर्जनभन्दा बढी व्यक्तिले भिजिट भिसा लिएको आशंका’ भन्दै आएका समाचारप्रति गम्भीर आपत्ति जनाएको छ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
नागरिकको शान्ति सुरक्षा र सरकारी सेवा प्रवाहको सुगम बनाउनु मेरो दायित्व होः प्रजिअ सुवेदी
वीरगंज । पर्साका प्रमुख जिल्ला अधिकारी तोयनारायण सुवेदीले नागरिकको शान्ति सुरक्षा कायम राख्दै सरकारी कार्यालयमार्फत प्रवाह हुने सेवा–सुविधालाई व्यवस्थित बनाउने आफ्नो प्रमुख दायित्व हुने बताएका छन्।
दश परिक्षण मध्य आठमा हैजाको संक्रमण पुष्टि, वीरगंजका बिद्यालयको बिदा बढाइयो
वीरगञ्ज । वीरगञ्जमा हैजाको आशङ्कामा १० बिरामीको नमूना परीक्षण गर्दा आठमा सङ्क्रमण पुष्टि भएको जनाएको छ ।
खेलकुद
क्रिकेटर सन्दीप लामिछानेको सम्मानमा उनको जन्मगाउँमा क्रिकेट रङ्गशाला बनाउन शुरू
स्याङ्गजा । नेपाली राष्ट्रिय क्रिकेट टिमका पूर्व कप्तान क्रिकेटर सन्दीप लामिछानेको सम्मानमा स्याङ्जामा क्रिकेट रङ्गशाला बनाउन शुरू गरिएको छ ।
राष्ट्रपति रनिङ शिल्डमा वीरगंजको लगातार तेस्रो जीत
वीरगंज । वीरगंज महानगरपालिकाले लगातार तेस्रो वर्ष राष्ट्रपति रनिङ शिल्ड प्रतियोगितामा प्रथम स्थान हासिल गर्दै शिल्ड आफ्नो स्थायी स्वामित्वमा ल्याएको छ ।
तपाईको प्रतिक्रिया