सम्बिधान सभाका सदस्य एवं नेपाली कांग्रेसका नेता अनिल रुङ्गटाले पर्यावरणको संरक्षणमा गम्भिर भएर लाग्नु पर्ने बेला आएको बताउनु भएको छ ।

उहाँले वतावरणलाई दुषीत बनाउन कसैले पनि नपाउने कुरालाई ख्याल राख्नु पर्नेमा जोड दिनु भयो । बीरगंजको बीच भएर बग्ने श्रीसिया नदिको चर्चा गर्दै नेता रुङ्गटाले श्रीसिया जलचर बिहिन हुनमा उधोगहरु दोषी रहेको बताउनु भयो ।

उहाँले औधोगिक बिकास हुनु पर्ने कुरामा असहमत हुन नहुने बताउदै नदीको संरक्षणमा उधोगहरु जिम्मेवार हुुनु पर्नेमा जोड दिनु भयो । उहाँले आफनै उधोगको उदाहरण दिदै आफूले उधोगमा ४० लाखको लागतमा वाटर ट्रिटमेन्ट प्लान्ट लगाएर प्रशोधित पानी मात्र छोडने गरेको बताउनु भयो ।

उहाँले उधोगहरुले यस्तो प्लान्ट लगाउन सक्छन र लगाउनु पनि पर्छ भन्नु भयो । उहाँले उधोग स्थापना हुनु पूर्व त्यस्तो प्रकृतिका उधोगहरुले वाटर ट्रिटमेन्ट प्लान्ट लागउनु पर्ने कुराको सुनिश्चतता गरिनु पर्नेमा जोड दिनु भयो । उहाँले अवको संसारमा वतावरण संरक्षणको बिषयनै प्रमुख बिषयका रुपमा आउने तर्फ सचेत रहन आग्रह गर्दै जीवनलाई सहज बनाउने नाममा अरुको अस्तित्वलाई नामेट गर्न नुहनेमा जोड दिनु भयो । 

कार्यक्रममा नेपाल नेत्र ज्योती संघका बरिष्ठ उपाध्यक्ष श्याम पोख्रेलले  वतावरणको संरक्षण मानव सभ्याताकालागि अवश्यक भएको बताउदै त्यसको शुरुवात आफैबाट गर्नु पर्ने बिचार ब्यक्त गर्नु भयो ।

नेपाल पत्रकार महासंघ प्रदेश २ का उपाध्यक्ष के.सी.लामिछानेले स्वच्छ वतावरण पाउने कुरा नागरिकको मौलीक हक भएको बताउनु भयो । सम्बिधानले नै स्वच्छ वतावरणमा वाँच्न पाउने कुराको सुनिश्चितता गरेको भन्दै सरकारहरु नागरिकलाई यो अधिकार प्रत्याभूत गर्ने दायित्वबाट भाग्न नपाउने बताउनु भयो ।

उहाँले समाजमा सरसफाईको अवस्था नाजुक हुनुका पछाडि ब्यक्ति समुदाय र सरकार दोषी रहेको चर्चा गर्दै अनुशासीत र सरसफाईयुक्त जीवन  जीउन नचाहने ब्यक्तिगत आनीबानीले सामाजिक स्वीकारोक्ती पाएकोले बीरगंज सफा हुन नसकेको उहाँले बताउनु भयो । 

कार्यक्रममा सानो पाइलकाका कार्यकारी निर्देशक कन्चन झाले बीरगंजमा सेन्टर पार्कको आवश्यकता रहेको बताउनु भयो । उहाँले वतावरणीय हिसावले राम्रो शहर बनाउने कुराको कामको शुरुवात युवाले गर्नु पर्नेमा जोड दिनु भयो । 

कार्यक्रममा डा.सुष्मा तिवारी, बीरगंज महानगरपालिका कार्यपालिका सदस्य अरविन्द गुप्ता नेपाल रेडक्रस सोसाइटी प्रदेश २ का अध्यक्ष फूलमहम्मद मिया, बीरगंज युवा समाजका अध्यक्ष कमल चौगाई ,बीरगंज ग्रिनसीटीका अध्यक्ष प्रकाश खेतान लगायतले आफना बिचार ब्यक्त गर्नु भएको थियो । 

कार्यक्रममा वतावरण जिउने आधारका केन्द्रीय अध्यक्ष आकाश चौहानले बीरगंजमा गरिएको बृक्षारोपण र त्यसको अब्यवस्थापनको प्रभावका बिषयमा कार्यपत्र प्रस्तुत गर्नु भएको थियो। कार्यक्रममा बिकास चौहान बिषयमा प्रवेश गराउनु भएको थियो  । कार्यक्रमको संचालन बिवेक कर्णले गर्नु भएको थियो ।