चेपाङ बालबालिकालाई झोला बितरण

6/22/2020 गते 00 00 मा प्रकाशित 1058 पटक पढिएको

चितवन, ८ असार । वैदेशिक रोजगारको लागि हाल जापानमा रहनुभएका भरतपुर महानगरपालिका पालिका वडा नं ४ निवासी डम्मर थापा र माडी ७ निवासी नारायण सापकोटाको ससहयोगमा माडी नगरपालिका वडा नं ७ को परुइ खोला किनारमा बसोवास गरेका ४० जना चेपाङ बालबालिकाहरुलाई स्कुल झोला बितरण गरिएको छ ।

झोला वितरण कार्यक्रममा बोल्दै माडी नगरपालिकाका नगर उप प्रमुख ताराकाजी महत्तोले चेपाङ परिवारको समस्यमा सहयोग गर्ने सहयोगीहरुप्रति धन्यवाद ज्ञापन गर्दै माडी बासीको दुःख पीडामा नगरपालिकाले सँधै साथ दिने बताउँनुभयो ।

कार्यक्रममा नेकपा चितवनका युवा नेता तथा सामाजिक अभियन्ता श्रीप्रसाद दवाडी, नेकपा माडी नगरपालिका वडा नं ७ का नेता शिब बराल,वडा सदस्यजगन्नाथ लामिछाने, लगायतको उपस्थिति रहेको थियो । सहयोगको झोला ग्रहण गर्दै कमल चेपाङले विपत्तिको बेलामा सहयोग गर्ने सहयोगीहरुप्रति चेपाङ परिवारको तर्फबाट हार्दिक धन्यवाद ज्ञापन गर्नुभयो ।

त्यहाँ बसोबास गर्नेहरुका लागि खाद्यान्न, लत्ताकपडा, खानेपानीको समस्या रहेको सोही ठाउँमा बसोबास गर्ने छवि चेपाङले बताउनुभयो । चेपाङ परिवार गतवर्षको बाढीले घरबास बगाएपछि माडी नगरपालिकाको समन्वयमा माडी ९ कुसुम खोलाबाट आएर परुई खोला किनारमा बसोबास गरेका हुन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।