ग्रिनसिटी सामुदायिक केन्द्रले आर्थिक हिनामिना गरेको आशंका, पारदर्शिता देखाउन स्थानीयको माग

6/13/2020 गते 00 00 मा प्रकाशित 1186 पटक पढिएको

सामुदायमा हुने सामान्य विवादर्लाइ स्थानीय स्तरमा नै समाधान गर्ने उद्देश्यले जिल्ला प्रहरी कार्यालय मातहतमा स्थापना गरिएको ग्रिनसिटी सामुदायिक सेवा केन्द्र आदर्शनगरले संस्थाको नाममा आर्थिक हिनामिना गर्ने गरेको आरोप लागेको छ ।

आदर्शनगर चोकमै कार्यालय स्थापना गरेर समाजमा विभिन्न गतिविधिहरुमा सहयोग गर्ने बाहानामा संस्थाले आर्थिक हिनामिना गरेको आरोप लाग्न थालेको हो । पछिल्लो समयमा बीरगंज महानगरपालिकाको सूचनालाई अवज्ञा गर्दै पार्किङ सम्बन्धी सूचना समेत च्यातेर ग्रिनसिटी बिवादमा आएको छ । ग्रिनसिटीका अध्यक्ष जयप्रकाश खेतानले सूचना च्यातेको आरोप लगाइएको छ ।

ग्रिनसिटीले ठाकुरराम बहुमुखी क्याम्पसमा रहेको क्वारेन्टिनमा आश्रय लिएकाहरुलाई खाना नास्ताको ब्यवस्थापनि गरेर उदाहरणीय काम गरेको थियो । तर यो संगै आर्थिक पारदर्शीता कायम नगरेको आरोप लाग्न थालेको हो ।

खाना ब्यवस्थापनको नाममा दिनमा हजारौ चन्दा उठाइएको छ तर त्यसको सार्वजनीककरण नगरिएको आदर्शनगरका एक युवाले बताए । ग्रिनसिटी अध्यक्ष खेतानले काम गरेकोमा जस लिनु स्वभाविक भएपनि दाताहरुलाई क्रेडीट दिनु पर्ने ति युवाले बताए । ग्रिनसिटीको स्थापना भएको सात वर्ष भन्दा बढी भएपनि त्यसको साधारण सभा समेत नभएको बताइएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।