पिसीआर मेशिन खरिद अभियानमा एक महिनाको पारिश्रमीक, सहयोग उपलब्ध गराउन सबैमा डा.यादवको अपिल

6/6/2020 गते 00 00 मा प्रकाशित 1109 पटक पढिएको

बीरगंज महानगरपालिकाले स्थापना गरेको कोरोनाभाइरस रोकथाम एवं नियन्त्रण कोषमा आज प्रदेश सभा सदस्य डा. अन्जुकुमारी यादवले आफनो एक महिनाको पारिश्रमीक उपलब्ध गराउनु भएको छ ।

शनिबार वीरगञ्ज महानगरपालिकाका नगरप्रमुख विजयकुमार सरावगीलाई महानगरपालिका कार्यालयमै गएर उहाँले ५१ हजार रुपैयाँको चेक हस्तान्तरण गर्नुभएको हो ।

डा.यादवले कोरोना भाइरसको संक्रमण बिरुद्ध महानगरपालिकाले गरेको अगुवाईलाई हौसला प्रदान गर्न सहयोग राशी उपलब्ध गराएको बताउनु भयो । उहाँले जसले आफनो गच्छे अनुसार सकिन्छ यस्तो बेलामा सहयोग गर्न जरुरी रहेको बताउनु भयो ।

उहाँले यो अज्ञात शरु बिरुद्धको लडाई हो यसमा शत्रुले कसैलाई काखा कसैलाई पाखा नगर्ने कुरा बिचार गर्नै पर्ने बताउदै यो बेला सर्तकतापूर्वक मिलेर लडनुको बिकल्प नभएको बताउनु भयो ।

डा. यादवले केही दिन अघि आफनो सामाजिक संजाल बाट कोरोनाभाइरस परिक्षणका लागी पिसीआर मेसिन, भीटिएम किटलगयात स्वास्थ्य सामग्री खरिद गर्न सुरु गरेको अभियानमा आफ्नो एक महिनाको तलब सहयोग गर्ने घोषणा गर्नु भएको थियो । त्यही घोषणालाई सार्थकता दिन डा. यादवले आज सहयोग राशी हस्तान्तरण गर्नु भएको हो ।

नगरप्रमुख सरावगीले चेक बुझ्दै प्रदेशसभाबाट कोभिड कोषमा आफ्नो तलब सहयोग गर्ने सांसद् डा.अञ्जु कुमारी यादवलाई धन्यवाद दिनु भयो ।

उहाँले सबै सांसद्हरुले यसैगरी आफ्नो तलब सहयोग गरे महानगरपालिकाले देखेको सपना छिट्टै पूरा हुने बताउनु भयो ।

महानगर प्रमुख सरावगीले पिसीआर मेशिन र किट खरिद गरि द्रुत गतीमा कोरोना भाइरसको परिक्षण गरेर बीरगंज सहित पर्सा जिल्लालाई ग्रिन जोनमा लाने र पेशा ब्यवसायहरु पूर्वत संचालनमा ल्याउने गरि यो अभियान शुरु गर्नु भएको हो । उहाँको यो अभियानमा पर्साका राजनीतिकदल ,नागरिक समाज सबैको सहयोग रहेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।