पत्रकार यादवमाथि गरिएको दूब्र्यवहार बिरुद्ध घण्टाघरमा पत्रकारको धर्ना
बीरगंज २८ बैशाख
पत्रकार पक्राउ विरुद्ध नेपाल पत्रकार महासंघले आज प्रदर्शन गरेको छ । कोरोना भाईरस रोकथाम र नियन्त्रणका लागि जारी लकडाउनमा प्रहरीले पत्रकारलाई पक्राउ गरी दुव्र्यवहार गरेको विरुद्धमा पत्रकार महासंघ पर्साले आन्दोलन गरेको हो ।
वीरगन्जको घण्टाघरमा भेला भएका पर्साका पत्रकारहरुले प्रहरीको ज्यादती विरुद्ध सांकेतिक विरोध गरेको हो । नेपाल पत्रकार महासंघ पर्साका अध्यक्ष श्याम बञ्जाराको अध्यक्षतामा भएको कार्यक्रममा नेपाल पत्रकार महासंघ प्रदेश नम्बर २ का अध्यक्ष दिपेन्द्र चौहानले पर्सा प्रहरीको जनतामाथिको व्यवहार असहिष्णु हुदै गएको र असन्तुष्टि आमसर्वसाधारणमा बढ्दै गएको अवस्थामा सञ्चारकर्मीहरुमाथि भएको दुव्र्यवहारले प्रहरी संगठनको व्यवसायिक छवि नै धमिलो पारेको बताउनुभयो ।
उहाँले जनताको करबाट राष्ट्रसेवकको रुपमा काम गर्ने प्रहरीले विना पारिश्रमिक समाजलाई सूसुचित गर्ने सेवामा कार्यरत पत्रकारहरुलाई लाठी चलाएर शासन गर्ने दिवाश्वप्न नदेख्न प्रहरीलाई चेतावनी दिनुभयो ।
प्रेस संगठन नेपाल प्रदेश नम्बर २ का इन्चार्ज लालबाबु शेषले पर्सामा प्रहरी प्रमुखमा गंगा पन्त आएदेखि नै नागरिकमाथि प्रहरीको व्यावहार राम्रो नरहेको बताउदै पत्रकारमाथि भएको दुव्र्यवहार अत्यन्त निन्दनीय रहेको बताउनुभयो ।
प्रेस संगठन पर्साका संयोजक निरज पिठाकोटेले संचालन गरेको कार्यक्रममा नेपाल प्रेस युनियन पर्साका अध्यक्ष रामनारायण कुर्मी, प्रेस नेपाल पर्साका अध्यक्ष आरके पटेल लगायतले पनि बोल्नुभएको थियो ।
यसैबीच बाराका पत्रकार पवन यादवमाथी गएराती आक्रमण भएको छ । नेपाल प्रेस युनियनका सदस्य एवं बाराबाट प्रकाशित तराई मधेश दैनिक पत्रिकाका प्रकाशक यादवमाथी गएराती करिब नौ बजे अज्ञात समुहले कलैया उपमहानगरपालिका–२ स्थित औधापुर हनुमान मन्दिर नजिक आक्रमण गरेको प्रहरीले जनाएको छ ।
अज्ञात समुहको आक्रमणबाट पत्रकार यादवको निधार काटिएको छ भने शरीर भरी निलडाम छ । पत्रकार यादवको कलैया स्थित जिल्ला अस्पतालमा उपचार भएको छ ।कलैयाबाट उतर झिटकैया स्थित घरजाने क्रममा पत्रकार यादवमाथी चारजनाको संख्यामा रहेका समूहले आक्रमण गरेको हो ।
आक्रमणबा पत्रकार यादवको ल्यापटप, क्यामरा र मोटरसाइकलमा क्षति पुगेको छ । नेपाल प्रेस युनियनले घटनामा संलग्नलाई कडा कार्बाहीको माग गरेको छ ।
युनियन बाराका अध्यक्ष श्यामबाबु यादव र केन्द्रिय महासचिव अजयबाबु शिवाकोटीले विज्ञप्ति मार्फत घटनामा संलग्नलाई पक्राउ गरि कडा कार्बाही गर्न माग गर्नु भएको हो । घटनामा संलग्नको खोजी भईरहेको प्रहरी नायब उपरीक्षक गौतम मिश्रले जानकारी गराउनु भयो ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
तरकारीका थोक कारोवारीलाई वीरगंज महानगरको २१ दिने अल्टिमेटम, व्यवस्थित थोक बजारमा जान निर्देश
वीरगंज । वीरगंज महानगरपालिकाले सडक तथा सार्वजनिक स्थानमा जथाभावी तरकारी तथा फलफूलको थोक बजार सञ्चालन नगर्न निर्देशन दिँदै व्यवसायीलाई २१ दिनभित्र तोकिएको स्थानमा स्थानान्तरण हुन अल्टिमेटम दिएको छ।
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
तपाईको प्रतिक्रिया