डा.शाक्य रोटरी इन्टरनेशनलद्वारा कम्युनिटि हिरो अवार्डबाट सम्मानित

5/5/2020 गते 00 00 मा प्रकाशित 1185 पटक पढिएको

बीरगंज २४ बैशाख ।

नेपाल जेसीजका पूर्व राष्ट्रीय अध्यक्ष,बीरगंज पब्लिक कलेजका संस्थापक निर्देशक अन्य बिभिन्न सामाजिक संघ संस्थामा संलग्न रहेर सामाजिक सेवामा संलग्न बीरगंजका नागरिक अगुवा डा.दीपक शाक्य रोटरी इन्टरनेशनलद्वारा कम्युनिटि हिरो अवार्डबाट सम्मानित हुनुभएको छ ।

पशुपति अन्नपुर्ण आश्रम प्रदेश न. २ का अध्यक्ष समेत रहनु भएका डा.शाक्यले सामाजिक सास्कृति धरोहरको संरक्षणमा पुर्याएको योगदानका कारण नै उहाँलाई सम्मानीत गरिएको हो ।

डा. शाक्यले विभिन्न विद्यालय, मठ मन्दिर, बृद्ध बृद्धा, धार्मिक स्थल लगायतका क्षेत्रमा गरेको सहयोग र विश्वस्तरमा फैलिएको कोरोना महामारीको समयमा विभिन्न स्थानमा खाद्यान्न र स्वास्थ्य सामग्री उपलब्ध गराई परोपकारी कार्यमा संलग्न भएको भन्दै प्रोत्साहन स्वरुप सयुक्त राज्य अमेरीकाको न्युयोर्कमा रहेको रोटरी क्लब क्वीन्सले उक्त सम्मान प्रदान गरेको हो ।

आश्रम मार्फत अहिलेको कोरोनाका जोखिमको अवस्थामा पनि गरीब असहायलाई खाद्य सामाग्री उपलब्ध गराउनुका साथै विभिन्न विद्यालयमा शैक्षिक सामाग्री, धार्मिक स्थलमा मुर्तिको स्थापना लगायतका सामाजिक क्रियाकलापहरुमा उल्लेखनिय भुमिका खेलेको कारण नेपाल अधिराज्यभरीबाट ९ जनालाई उक्त सम्मान प्रदान गरिएकोमा प्रदेश न.२ बाट डा.शाक्य सम्मानकालागि छनौट हुनु भएको हो ।

सम्मानले हौसला बढेको डा. शाक्यले बताउनु भयो । समाजिक सेवामालागिरहन यस्ता सम्मानहरुले अझै उर्जा संचार हुदो रहेछ डा.शाक्यले आफनो अनुभूती सुनाउनु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।