लकडाउनका कारण आहर अभाव झेलीरहेका पशु चौपायलाई बीरगंज युवा समाजले सम्झ्यो

4/29/2020 गते 00 00 मा प्रकाशित 918 पटक पढिएको

बीरगंज १७ बैशाख ।
लकडाउन छ । रोजगारहरु बन्द छन । दैनीक ज्याला मजदुरी गरेर जीवीकोपार्जन गर्नेहरुलाई राहत ब्यवस्थापन भइरहेको छ । कोरोना भाइरसको संक्रमण बिभिन्न चरणमा प्रवेश गरे झै राहत पनि बिभिन्न चरणमा बितरण भइरहेको छ । बिश्वब्यापी यो संकटमा मान्छेका बिषयमा मात्रै चिन्ता गरिएको देखिन्छ । कमै ठाउमा बोल्न नसक्ने पशु चौपायाका बिषयमा चर्चा भएको पाइन्छ । हुन त पशु चौपायालाई घाँस पात खाने भएकोले पनि समस्या हुदैन भन्न पनि सकिन्छ । तर शहर बजारमा केही मात्रामा समस्या देखिएको छ ।
मान्छेको जीवनलाई जोगाउन मानविय सेवामा सरकारहरु लागि रहेका छन । सामाजिक अभियान्ताहरु पनि लागेका छन । यो बेलामा बोल्न नसक्ने पशु चौपायाहरुको बारेमा पनि सोच्नेहरु पनि समाजमा छन । समाजको दीर्घ जीनकालागि यो बिविधतालाई जोगाई पनि राख्नु पर्छ ।

कोरोना भाइरसको संक्रमण फैलिन नदिन सरकारले आव्हान गरेको लकडाउन गरेको ३७ दिन भएको छ । यो अवधिमा मानिसहरु घर बाहिर निस्कन छाड्दा र होटल, पसल बन्द हुँदा वीरगंजका सडकमा हिँड्ने कुकुर, गाईलगायतका पशु चौपाया भोकै हुन थालेका छन ।
अहिले सयौँ कुकुर, गाईलगायतका पशु चौपाया वीरगंजको सडकमा छन् । तर लकडाउन सुरु भएयता यस्ता छाडा कुकुर र गाई भोकै परेका हुन् ।
होटल, रेष्टुराँ, मासु पसल सञ्चालन हुँदा सडकका कुुकुरहरुले पेट भर्न पाइरहेका थिए । तर, लकडाउनका कारण यस्ता पसल बन्द भएपछि खान पाएका छैनन् । भोकका कारण कुकुरहरु रिसाउने, खानाको खोजीमा ठाउँ चहारिरहने, झगडा गर्ने गर्ने गर्न थालेका छन् ।

सडकमा छाडिएका कुकुर, तथा पशुचौपायाहरु भोकै परेपछि आज वीरगंज युवा समाजले पशु चौपायकालागि खानाको प्रवन्ध गरेको छ ।
समाजका अध्यक्ष कमल चौगाईँको नेतृत्वमा वीरगंजको विर्ता, लक्ष्मीनारायण टोल, आदर्शनगर, पानीटंकी लगायतको क्षेत्रका सडकमा भौतारिएका कुकुर, गाई तथा पशुचौपायालाई उनीहरुको आहर ख्वाएको हो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।