कालोबजारीयाको मतियार बनेको जीसीनउसंघलाई कारवाही गर्न मंचको माँग,उजुरी दर्ता

4/28/2020 गते 00 00 मा प्रकाशित 1534 पटक पढिएको

सीमरा १६ बैशाख ।
उपभोक्ता हिंत संरक्षण मंच जीतपुर सीमरा उपमहानगरपालिका कमिटीले जीतपुर सीमरा नगर उधोग वणिज्यसंघलाई कारवाहीको माँग गर्दै इलाका प्रशासन कार्यालय सीमरामा उजुरी दर्ता गराएको छ ।

जीतपुर सीमरा नगर उधोग वाणिज्यसंघले बैशाख १० गते किराना समानको नयाँ मूल्य सूची जारी जारी संघको त्यो कामले नेपालको संविधान र कानुनको उल्लंघन गरेको छ ।

मूल्य निर्धारण गनेॅ अधिकार प्रत्येक जिल्लामा जिल्ला अधिकारीको अध्यक्षतामा रहने कमिटीले मात्र गर्न पाउछ । तर जीतपुर सीमरा नगर उधोग वाणिज्य संघले आफूनै प्रमुख जिल्ला अधिकारी भए झै मूल्य निर्धारण गर्नुले काला बजारीलाई संस्थागत गरेको छ ।

कानूनको खिल्ली उडाएर कलाबजारी गर्दा समेत सम्बन्धीत निकाय मौन बस्नु आफैमा उद्धेक लाग्दो ।
मंचका अध्यक्ष कमला अधिकारीले कालाबजारीको संस्थागत निर्णय गर्ने संघलाई कारवाही माँग गर्दै आज इलाका प्रशासन कार्यालय सीमरामा उजुरी दर्ता गराउनु भएको हो ।

संघले मूलय निर्धारण गरेर सूची सार्वजनीक गरेपछि ७५ रुपैया किलोमा पाइने चीनीको मूल्य जीतपुर सीमरा निकै बढेको छ । चामल लगायतका अन्य बस्तुको समेत मूलय बढेको छ ।

कोरोना संकटको महामारीको बेलामा समेत उपभोक्तालाई लुटन संघ संस्थागत रुपमा आउनुले सबै ब्यापारीलाई भ्रष्ट कलोबजारीको रुपमा स्थापित गरेको छ ।

संस्थागत रुपमा मूल्यसूची तोकेर जीतपुर सीमरा नगर उधोग बाणिज्य संघले कालोबजारीलाई संस्थागत गर्ने आँट काहा बाट पायो भन्ने यक्ष प्रश्न उब्जेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।