सहयोग राशी लिएर नगरप्रमुख साह नागरिकको आँगनमा

4/23/2020 गते 00 00 मा प्रकाशित 1037 पटक पढिएको

बीरगंज ११ बैशाख ।
बहुदरमाई नगरपालिकाका प्रमुख नितेन्द्र साह सहयोग बोकेर आफना कर्मचारीको घर पुग्नु भयो ।

नगरपालिकामा कार्यरत एक कर्मचारीको गम्भिर रोगका कारण मृत्यु भयो । ति कर्मचारीको मृत्यु पछि उहाँको आश्रीत परिवार नै समस्यामा परेको थियो । तर नगरपालिका प्रमुखले लकडाउनको संकटको अवस्थामा घर पुगेरै आर्थिक सहयोग उपलब्ध गराउनु भयो ।

नगरपालिकामा कार्यरत कार्यालय सहयोगी संगीता श्रेष्ठ ब्रेन क्यान्सरका कारण मृत्यु भएको थियो । प्रमुख साहले श्रेष्ठका श्रीमान बिजय श्रेष्ठलाई ५० हजार रुपैया सहयोग उपलब्ध गराउनु भएको हो ।

बैशाख १० गते करेन्ट लागेर मृत्यु भएका नगरपालिकाको वडा नं .२ निवासी जयप्रकाश साहको परिवारलाई पनि ५० हजार रुपैया उपलब्ध गराउनु भएको नगरपालिकाका लेखापाल हरि राउतले बताउनु भयो ।

दुबै जनाको घर मै पुगी नगर प्रमुख नितेन्द्र साहले करेन्ट लागेर मृत्यु भएका साहकी श्रीमती अनिता देवी र कार्यालय सहयोगि श्रेष्ठका श्रीमान् विजयमा श्रेष्ठलाई सहयोग रकम बराबरको चेक हस्तान्तरण गर्नु भएको हो ।

मेयर साह संगै प्रमुख प्रशासकिय अधिकृत तिर्थ राज पौडेल, स्वास्थ्य शाखा प्रमुख राजकिशोर साह पनि चेक हस्तान्तरण गर्न पीडितको घरमा पुगेका थिए ।

दुबै पिडित परिवारको आर्थिक अवस्था कमजोर रहेकाले विपद् ब्यवस्थापन कोषबाट कार्यपालिकाको निर्णय अनुसार सहयोग गरिएको नगरपालिका कार्यालयले जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।