प्रदेश २ का सबै सहकारीलाई कोरोना भाइरस बिरुद्धको अभियानमा सहयोग जुटाउन गुप्ताको अपिल

4/19/2020 गते 00 00 मा प्रकाशित 1595 पटक पढिएको

बीरगंज ७ बैशाख ।
जय गणेश बचत तथा ऋण सहकारी संस्था लिमिटेडले कोरोना भाइरसको संक्रमण नियन्त्रणकालागि बीरगंज महानगरपालिकालाई सहयोग राशी उपलब्ध गराएको छ ।

संस्थाले भाइरसको संक्रमण रोकथाम , नियन्त्रण तथा उपचार कोषका लागि रु १५ हजार उपलब्ध गराएको हो । संस्थाका प्रवन्धक रामबाबु चौधरीले वीरगन्ज महानगर पालिकाका प्रमुख विजय कुमार सरावगीलाई राशी बरारको चेक हस्तान्तरण गर्नुभएको हो ।

कोरोना भाइरसको संक्रमणबाट बच्न र बचाउने अभियानको नेतृत्व गरिरहेको महानगरलाई थोरै भएपनि टेवा पुगोस भन्नकालागि सहयोग राशी उपलब्ध गराइएको मैनेजर क्लब पर्साका अध्यक्ष जीसनु बरालले बताउनुभयो ।

सो अवसरमा जिल्ला कृषि सहकारी संघ लिमिटेड पर्साका अध्यक्ष शिव कुमार साह लगायतको उपस्थिती रहेको थियो । चेक बुझ्दै प्रमुख सरावगीले सहयोगको लागि जय गणेश बचत तथा ऋण संहकारी संस्थालाई लाई धन्यवाद दिनुभयो ।

राष्ट्रिय सहकारी विकास बोर्डका सन्चालक सदस्य तथा जय गणेश बचत तथा ऋण सहकारी संथाका संस्थापक अध्यक्ष शम्भु प्र. गुप्ताले सहयोग उपलब्ध गराएकोमा संस्थालाई धन्यवाद दिनु भयो । सोही क्रममा उहाँले । प्रदेश भरिका सहकारीहरुलाई कोरोना भाइरस संक्रमणको बिरुद्ध सम्बन्धीत स्थानीय सरकार मार्फत सहयोग र सेवामा जुट्न अपिल गर्नु भयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।