रौतहटमा क्वारेन्टिनबाट घर पठाइएकाहरुलाई परिक्षणकालागि बोलाइयो

4/14/2020 गते 00 00 मा प्रकाशित 1090 पटक पढिएको

बीरगंज २ बैशाख ।
रौतहटको ईशनाथ नगरपालीका ३ औरैया स्थित जनता माबिमा रहेको क्वारेन्टाइन बाट कारोनोका लक्षण नदेखीएको भन्दै परिक्षण नै नगरी चैत्र २७ गते घर पठाइएका ११ जनालाई फिर्ता बोलाइएको छ ।

संक्रमित फेला परेको क्वारेन्टाइनबाट कोरानाको लक्षण नदेखिएको भन्दै ११ जनालाइ परिक्षण बिना नै घर पठाएको थियो परिषणकोलागि उनीहरुलाइ पुन बोलाइएको हो ।

रौतहटको ईशनाथ नगरपालीका ३ औरैया स्थित जनता माबिमा रहेको क्वारेन्टाइन बाट कारोनोका लक्षण नदेखीएको भन्दै परिक्षण नै नगरी चैत्र २७ गते ११ जनालाई घर पठाएको थियो ।

सो नगरपालीका का स्वास्थ्य शाखा फांटका संयोजक ईशराजुल खानले उनीहरुलाइ १५ दिन क्वारेन्टाइनमा राखेर कुनै लक्षण नदेखिएपछि परिक्षण बिना घर पठाइएको बताउनु भयो ।

भारतको कोलकता बाट आइ चैत्र १२ गते देखी क्वारेन्टाईनमा बसेका उनीहरुमा १५ दिन सम्म कोरोना संक्रमणको लक्षण नदेखीए पछि घर पठाईएको बताइएको छ ।

अहिले उनीहरुलाइ स्वाव परिक्षणगर्न बोलाइएको छ । उनीहरु बसेको क्वारेन्टाईनमा रौतहटको इशनाथ नपा ५ मोतीपुरका १९ बर्षिय एक यूवकलाइ कोरोना संक्रमण देखीएपछि अहिले त्रास बढेको स्थानीयले बताएका छन ।
इशनाथ नगरपालीकाका निमित्त प्रमुख प्रशासकिय अधिकृत नन्दकिशोर गुप्ताले जनकपुरबाट स्वास्थ्यकर्मीको टोली स्वाब संकलनका लागी समयमा नआएको र चैत्र २८ गते मात्रै आइपुगेकाले २७ गते नै रौतहटका सिडिओ बासुदेब घिमिरे संग समन्वय गरेर घर पठाईएको बताउनु भयो ।

उक्त क्वारेन्टाइनमा बसेका एक व्यक्तीमा संक्रमण फेला परेपछि सतर्क र सजग हुदै घर पठाइएकाहरुलाइ ¥यापिड किटबाट टेष्ट गरिन लागीएको बताइएको छ ।

हाल उक्त क्वारेन्टाइनमा ३० जना व्यक्तिहरु रहेका छन । चैत्र २८ गते २५ जनाको स्वाव परिक्षणका लागी संकलन गरेर लैजादै एकजना युवकमा सक्रमण देखिएको हो । उनलाइ रौतहटमा आइसोलेसन कक्ष नभएकाले उपचारका लागी बीरगज लगिएको छ ।

चैत १४ मा दिल्ली बाट हिडेका उनीहरु ट्रकमा आएका थिए । ट्रकले १६ गते बिहान मोतिहारीमा उतारेपछि त्यहाबाट करीव ४० किलोमिटर को यात्रा पैदल हिँडेर राति दशबजे ईशनाथ नपाको मोतिपुर घर आइपुगेका थिए ।
उनीहरु मुलबाटो नभइ खेतको बाटो सिमाना पार गरेको बताइएको छ । इशनाथको मोतीपुर टोल नेपाल भारत सिमाना नजिकै पर्छ । संक्रमित युवकसँगै आएका अन्य तीनजनाको रिपोर्ट निगेटिभ आएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।