राष्ट्रको समृद्धिको लागी अश्वमेध महायज्ञमा दीप बालियो

3/5/2019 गते 00 00 मा प्रकाशित 1144 पटक पढिएको

वीरगंज,२१ फागुन ।
नेपालको लागि वीरगंजमा पहिलो पटक भइरहेको चार दिने अश्वमेध महायज्ञमा मंगलवार एकै साथ लाखौ दियो बालिएको छ ।

महायज्ञ समाप्तीको पूर्व सन्ध्यामा राती साढे ७ बजे यज्ञस्थल तथा नेपाल भारतका घरघरमा ‘ दीपप महायज्ञ’ स्वरुप दीप प्रज्वलन गरेको महायज्ञ आयोजक मुल समितिका अध्यक्ष डा.उपेन्द्र महतोले बताए ।

उनले पूर्व सूचना अनुसार प्रति व्यक्तिले ५/५ वटा दीप बाल्ने कार्यक्रम अनुरुप लाखौ दीप बालिएको बताए ।

मुल समितिका संयोजक तथा वीरगंज महानगरका मेयर विजयकुमार सरावगीले महायज्ञ समितिले मात्र २४ हजार दियोको व्यवस्था गरेको र बाकी हरेक सहभागीले ५ वटा दियो लिएर आएको हुनाले महायज्ञमा मात्रै १ लाख भन्दा बढि दियो बलेको बताएका छन् ।

साथै,उनले पर्सा,बारासंगै नेपालको अन्य ठाउँमा दियो बाल्ने कार्यक्रम बारेपनि जानकारी गराइएकाले घरघरमा नेपाल–भारतमा लाखौ दियो बलेको हुन सक्ने दाबी गरे ।उनले शुरुमा २ करोड रुपैयाको खर्च अनुमान गरिए तापनि श्रद्धालु भक्तजनको सख्या तथा खर्चमा पनि वृद्धि हुन सक्ने अनुमान गरेका छन् ।

चार दिनमा ५ लाख सहभागी आउने अपेक्षा गरिए तपानि खराब मौसमको कारण भारतको थुप्रै ठाउबाट सहभागी आउन नसकेको तर पनि तीन दिनमा करिब २ लाख भक्तजन सहभागी भइसकेको उनले जानकारी दिए ।

दिप प्रज्वलनका पुर्व अखिल विश्व गायत्री परिवारका अध्यक्ष डा. प्रणव पाण्ड्याका छोरा तथा देव विश्व विद्यालयका उपकुलपति चिनमय पाण्ड्याले कथा प्रवचन गरेका थिए ।

उनले आफनो प्रवचनमा दिप भनेको प्रकाशको प्रतीक भएकोले जीवनमा भगवानसंग श्रद्धा वृद्धि गर्न दियो बालेर आफनो जीवनको अन्धकार हटाई प्रकाशमय जीवनको कामनाको लागि हिन्दू धर्ममा दियो बाल्ने चलन रहेको बताएका थिए ।सामुहकि दीप महायज्ञले सबैको कल्याण,राष्ट्रमा समृद्धि तथा दीर्घ जीवनको लागि महा मृत्युन्जय मन्त्रको वाचन पनि गरिएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।