वडा अध्यक्ष द्वारा धारिलो हथियारले प्रहार ४ जना घाईते

6/24/2018 गते 00 00 मा प्रकाशित 1116 पटक पढिएको

रौतहट, १० असार ।
एक जना वडाध्यक्षलाई सडक विस्तारको नाममा आफनो वडाका एकै परिवारका ४ जना माथी धारिलो हतियार प्रहार गरेको आरोप लागेको छ ।
रौतहटको बौधिमाई नगरपालिकाको वडा नं ७ का वडा अध्यक्ष बिजय कुशवाहाले सडक निर्माणको बिषयमा भएको बवादमा धारिले हतियारको प्रयोग गरेका हुन ।

सोही ठाउ निवासी शिव गोविन्द कुशवाहले आफनो जमीन नजिक वार्डअध्यक्षले नियतबश सडक चौडा बनाएर आफनो जमीन च्यापेको आरोप लगाएका थिए ।

एक महिना अघि पनि बिवाद हुदा यो बिषय अदालतमा प्रवेश पाएको थियो । अदालतले बिवादीत कामलाई प्रहरीको रोहवारमा सडकको काम गर्न आदेश दिएको थियो ।

एक महिना अगाडि यो काम गर्न अदालतले आदेश दिएपनि वार्ड अध्यक्षले नै आलटाल गरेको आरोप पीडित पक्षले अगाएका छन ।

अहिले असार सकिन लागेको बेला आफना मान्छेहरुको ठुलो समुह बनाएर सडक ढलान गरेको शिव गोविन्द कुशवाहाको आरोप छ ।

शनिवार सडक ढलाईको वेला शिवगोबिन्द कुशवाहाले विवाद मिलाएपछि मात्र काम अगाडि बढाउनु होला भन्न खोज्दा वडाअध्यक्ष कुशवाहाले आफना दलवल सहित शिव गोविन्द कुशवाहा, महानन्द कुशवाहा, रामेश्वर कुशवाहा लगायत ४ जनालाई धारिलो हथियार प्रहार गरि घाइते बनाएका हुन । वडाअध्यक्ष बिजय कुशवाहा गत स्थानीय निर्वाचनमा नेकपा एमालेबाट निर्वाचित भएका हुन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।