सकारात्मक आध्यात्मिक चिंतन र सदाचारबाट नै जीवनमा शान्ति आउछ - प्रजिअ पौडेल

5/31/2018 गते 00 00 मा प्रकाशित 1166 पटक पढिएको

बीरगंज १७ जेठ ।
ब्रह्माकुमारी राजयोग सेवा केन्द्रले विश्व धुम्रपान निषेध दिवसको अवसर पारी जनचेतनामुलक चरित्र निर्माण चित्र प्रदर्शनी तथा विचार गोष्ठि कार्यक्रम बिहिवार मुरली बगैंचा बीरगंजमा सम्पन्न गरेको ।

ब्रह्माकुमारी रविना दिदीले आजको दिनमा विश्वमा शान्ति अहिंसा र भाइचाराको स्थापनाकालागि संसारभर जनचेतना मुलुक कार्यक्रम गरिएको जानकारी दिइन । दिदीले सकारात्मक चिंतन र आन्तरिक शक्तिको विकास गरी धुम्रपान लगायत जुनसुकै कुलत या विसंगतिबाट पनि दिर्घकालीन मुक्ति हासिल गरी आफ्नो अमुल्य जीवनको आनन्द लिन सक्ने बताइन ।

तम्बाकु मुक्ति जनचेतनामूलक चित्र प्रदर्शनी समेत गरीएको उक्त अवसरमा पर्सा प्रजिअ लोक नाथ पौड्याल र प्रहरी उपरिक्षकहरु त्रय (जिल्ला प्रहरी कार्यालयका प्रहरी उपरिक्षक समेत) लाई ब्रह्माकुमारी रविना दिदीले पुष्पगुच्छा र ईश्वरीय सौगात प्रदान गरी स्वागत गरेकी थिइन ।

कार्यक्रममा प्रजिअ लोक नाथ पौड्यालले समाजमा शान्ति सुव्यस्था र अमनचयनको स्थापना गरी नागरिकहरुलाई विकृति विसंगतिबाट मुक्त गराई सुरक्षित र स्वतन्त्रतापूर्वक जीवनयापन गराउने प्रशासनकोे जिम्मेवारी रहेको बताए ।

सुसंगत समाज निर्माणकालागि ब्रह्माकुमारी राजयोग सेवाकेन्द्रहरुबाट विभिन्न अवसरमा आयोजना गरिने यस्ता जनचेतनामूलक तथा आध्यात्मिक कार्यक्रमहरुबाट निकै सहयोग पुग्नेहुदा यो निकै सराहनिय र समय सान्दर्भिक रहेको बताए । उनले संस्थाद्वारा प्रदान गरिने सकारात्मक आध्यात्मिक चिंतन र सदाचारबाट नै जीवनमा शान्ति खुशी र आनन्दको अनुभूति गर्न सकिने बताए ।

कार्यक्रममा प्रहरी उपरिक्षक रेवती ढकाल, सशस्त्र प्रहरी उपरिक्षक प्रेमध्वज शाह, राष्ट्रिय अनुसन्धान जिल्ला कार्यालय पर्साका प्रहरी उपरिक्षक टिका प्रसाद पोखरेल, संघीय समाजवादी फोरम नेपालका केन्द्रिय सदस्य वीरेन्द्र यादव, रेडक्रस पर्साका उपाध्यक्ष मधु राणाको सहभागिता रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।