आधिकारिक संस्था मार्फत जान प्रजातन्त्रवादी प्राध्यापक संघको आग्रह

5/30/2018 गते 00 00 मा प्रकाशित 1776 पटक पढिएको

बीरगंज १६ जेठ ।
प्रजातन्त्रवादी प्राध्यापक संघ नेपाल ठाकुरराम बहुमुखी क्याम्पसले बुधवार उक बिज्ञप्ति प्रकाशीत गरि क्याम्पसको अनियमितता ,बेथिति प्रध्यापकहरुको समस्याहरुको निकासका निम्ति आधिकारिक निकाय त्रिभूवन बिश्वबिद्यालय प्रध्यापक संघ इकाई समिति मार्फत जान सबैलाई अपिल गरेको छ ।

संघका अध्यक्ष शत्रुघ्न यादवले जारी गरेको बिज्ञप्तिमा नेपाल प्रगतीशिल प्राध्यापक संगठनले जेठ १५ गते नि.क्याम्पस प्रमुख डा.प्रमोद कुशवाहालाई बुझाएको ध्यानाकर्षण पत्रप्रति बिमती जनाउदै यस्तो उल्लेख गरिएको हो ।

संघले क्याम्पस प्रमुखलाई बुझाइएको ध्यानकर्षण पत्रको शब्दप्रति समेत गम्भिर ध्यानाकर्षण भएको जनाएको छ । प्रजातन्त्रवादीको भागमा परेको ठाकुरराम बहुमुखी क्याम्पसमा क्याम्पस प्रमुख प्रजातन्त्रवादी भएको भरमा ध्यानकर्षण पत्रको बाहनामा क्याम्पस प्रमुखलाई बदनाम गर्न खोजिएको उल्लेख छ ।

त्यस्तै ध्यानकर्षण बुझेका क्याम्पस प्रमुख डा. प्रमोद कुमार कुशवाहाले समेत हिजै एक बिज्ञप्ति प्रकाशीत गरि प्रगतीशील प्राध्यापक संगठनले क्याम्पस प्रमुख तथा क्याम्पस प्रशासनलाई पूर्वाग्रपूर्ण आरोप लगाइएको प्रति खेदप्रकट गरेका छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।