पर्साका ग्रामिण भेगका दलित परिवारका बालबालिकाहरु अझै पनि बिधालय भर्ना हुनबाट बन्चित

5/15/2018 गते 00 00 मा प्रकाशित 1075 पटक पढिएको

कृष्ण मोहन साह
सेढवा १ जेष्ठ ।
सरकारले बिधार्थी भर्ना अभियनलाई अतिनै महत्व दिएको छ । अभियान अन्तर्गत बिभिन्न राजनीतिक र गैरराजनीतिक ब्यक्तिहरुले अभिभावकत्व ग्रहण गर्दै वालवालिकाको भर्ना समेत गराएका छन ।

भर्ना अभियानको महिना सकियो तर कतिपय स्थानमा वालवालिका अहिले पनि बिद्यालयको पहुच बाहिर रहेका छन । पर्साको जिराभवनी गाउँपालिकाको पाचै वार्डका दलित परिवारका बाल बालिका अझै सम्म बिद्यालयमा भर्ना हुनबाट बन्चित रहेका छन । जिराभवानी गाउँपालिका पाचै वार्ड का जगतिया पकडीटोल महादेवपटी सेढवा जितपुर नौकाटोल परसवा सुपौली शंकरसरैया सखवनिया हरैया शान्तिटोल लगायतका दलित बालबालिकाहरू अझैसम्म बिद्यालय भर्नाबाट बन्चित छन ।

जगतियाका मोहन पसवान का ३ जना बालबालिकाहरु आर्थिक अभावका कारण सरकारी बिद्यलयमा भर्ना हुन नसकेका हुन्।

सरकारी बिद्यलयमा निःशुल्क भनेपनि स्थानीय स्तरमा भर्ना हुदाँ केही शुल्क र पोशाक अनिर्वाय गराएपछि गरिब तथा असहाय बालबालिकाहरु बिद्यालय भर्ना हुन नसेका हुन्।

तयस्तै ३ सन्तानकी आमा वार्ड नंबर ५ की शिला माझी मुसहर अल्सर सम्बन्धी रोग बाट पिडीत छिन । रोगको उपचारमा भएको श्री सम्पती सकिएपछि आर्थिक अभावकै कारण उनका बाल बच्चाहरुलाई बिद्यालय भर्ना गराउन नसकेको स्थानीय समाज सेवी उमेश माझीले बताएका छन् ।

स्थानीय सरकारलाई बिद्यालय भर्नामा कोही नछुटुन भनेर निर्देशन दिएपनि पर्साका ग्रामिण भेगमा भर्ना अभियानको प्रभावकारिता देखा परेको छैन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।