शहीद पत्नीद्वय महानगर कार्यालयमा कर्मचारीको रुपमा नियुक्त

4/16/2018 गते 00 00 मा प्रकाशित 958 पटक पढिएको

वीरगंज, ३ बैशाख । वीरगंज महानगरपालिकाका नगर प्रमुख विजय कुमार सरावगीले समबार दुई शहीद पत्नीलाई नियुक्ति पत्र प्रदान गरेका छन ।

मधेस आन्दोलनको क्रममा प्रहरीको गोली लागेर ज्यान गुमाएका शहिद दिनानाथ साह गोढको श्रीमती सोनी देवी साह र शहिद दिपेन्द्र साह तेलीको श्रीमती सिता देवी साहलाई नियुक्ति पत्र प्रदान गरेका हुन ।

वीरगंज महानगरपालिकाको प्रथम नगर परिषदद्वारा मधेस आन्दोलनका शहिद तथा घाइते परिवारलाई उचित व्यवस्थापन गर्ने निर्णय अनुसार शहिदको पत्नी साह र तेलीलाई नियुक्ति पत्र प्रदान गरिएको महानगरले जनाएको छ ।

मधेस आन्दोलनमा प्रहरीको गोलि लागि ज्यान गुमाएका पर्सा झौवागुठि निवासी शहिद दिपेन्द्र साह तेलीको श्रीमती सिता देवी साह र बारा पर्सौनी निवासी शहिद दिनानाथ साह गोढको श्रीमती सोनी देवी साहलाई वीरगंज महानगरपालिका कार्यालयमा सेवा करार अन्तर्गत नियुक्त भएका हुन ।

साहलाई महानगरपालिकाको नगर प्रहरी र सीता देवी साहलाई महानगरपालिका कार्यालयमा कार्यालय सहयोगी पदमा नियुक्त गरिएको हो ।

शहिद दिपेन्द्र साहको मधेस आन्दोलन २०६३ को क्रममा प्रहरीको गोली लागि वीरगंजको राधेमाईमा मृत्यु भएको थियो भने शहिद दिनानाथ साह गोढको मधेस आन्दोलन २०७२ को क्रममा लक्षुमनवा चोकमा प्रहरीको गोली लागि मृत्यु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।