चिनी उद्योगमा भएको विष्फोटमा एकजनाको मात्रै मृत्यु भएको पुष्टि

4/10/2018 गते 00 00 मा प्रकाशित 905 पटक पढिएको

कलैया, २७ चैत्र । बाराको कलैया उपमहानगरपालिका वडा नम्बर ५ मनहर्वामा रहेको रिलायन्स सुगर एण्ड केमिकल इण्डस्ट्रिज प्रालिमा मंगलबार बिहान टयाङकी विस्फोट हुदा एक जनाको मृत्यु भएको स्थानीय प्रशासनले पुष्टि गरेको छ ।

चिनी उद्योगमा रहेको उखुको रस भण्डारण गरिने मलासी टयाङकी मंगलबार बिहान साढे ११ बजे तिर विस्फोट भइ पर्खाल भत्किदा एक जनाको मृत्यु भएको र नौ जना घाइते भएको बाराका प्रहरी नायव उपरिक्षक भुवनेश्वर साहले जानकारी दिए । मृत्यु हुनेमा चिनी मिलका कर्मचारी भारत घर भएका राम सेनाइ रहेका छन् ।

उनको घटनास्थलमा नै मृत्यु भएको हो । विस्फोटमा परि उद्योगमा काम गर्ने कर्मचारीहरु बारा भोडहा मटिअरिया निवासी ३० वर्षीय प्रमेश्वर साह, बाराको उतर झिटकैया निवासी २७ वर्षीय भुपेन्द्र मण्डल, भारतीय नागरिक ५२ वर्षीय कमलेन्द्र सिंह, कलैया उपमहानगरपालिका २ निवासी ब्रजेश महतो, बारा जिल्लाको शीतलपुर निवासी ३५ वर्षीय देवनरायण महतो, पर्सा जिल्लाको भेडिहारी निवासी ३२ वर्षीय प्रेम राउत बरई, बारा जिल्लाको उत्तर झिटकैया निवासी ३५ वर्षीय रमेश यादव र बाराको महागढीमाई नगरपालिका वडा नंबर ११ का ४७ वर्षिय नागेन्द्र ठाकुर घाइते भएका छन् ।

घाइते मध्ये एक जनाको कलैया अस्पतालमा र बाँकी आठ जनाको वीरगन्ज स्थित नेशनल मेडिकल कलेजमा उपचार भईरहेको बाराका प्रहरी नायव उपरीक्षक भुवनेश्वर साहले जानकारी दिए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।