छोरी हत्याको अरोपमा आमा बुवा गिरफ्तार

3/29/2018 गते 00 00 मा प्रकाशित 895 पटक पढिएको

बीरगंज १५ चैत ।
१६ वर्षिया छोरी नेहा वर्णवालको हत्या गरेको अरोपमा पर्सा प्रहरीले चैत १४ गते वीरगंज महानगरपालिका वडा नं . १५ भिषूवा निवासी ४९ वर्षीय सत्यनारायण वर्णवाल र ३० वर्षीय गीता कुमारी वर्णवाललाई गिरफतार गरेको छ ।

उनीहरुलाई १५ गते प्रहरीले पत्रकार सम्मेलनको आयोजना गरि सार्वजनीक गरेको हो ।प्रहरी अनुसार फागुन १३ गते वर्णवाल दम्पतिले छोरी नेहाको हत्या गरी भारतमा लगेर सतगद गरेका थिए ।

हत्या गरेपछि छिमेकीलाई चाल नदिइकन बीरगंजको रानीघाटमा लगेका थिए । रानीघाट बीरगंजको प्रसिद्ध शमशासनघाट पनि हो । बर्णवाल दम्पतीले सोही ठाउमा भारतीय एम्बुलेन्स गाडीमा राखी छोरीको शव भारत रक्सौलमा पु¥याई शव जलाउन लगाएका थिए ।

एक जनालाई ६ हजार रुपैया भूक्तानी दिएर शव जलाउन लगाएको अनुसन्धानको क्रममा खुलेको पर्साका एसपी डा.गणेश रेग्मीले बताए ।

छरछिमेकका व्यक्तिहरुले छोरीको बारेमा सोधपुछ गर्दा नेहा भारतमा फुपूको घर गएको वर्णवाल दम्पतीले बताउने गरेका थिए । धेरै दिन पछि पनि नेहा घर नफर्के पछि स्थानीयवासीले चैत १३ गते प्रहरीलाई नेहा नभएको कुरा सूचना दिदै अनुसन्धान गष्र्न आग्रह गरेपछि प्रहरीले नेहाका आमा बुवालाई पक्राउ गरेको हो ।

नेहा सत्यनारायणको जेठी श्रीमती मन्जु देवी वर्णवालको सन्तान थिइन । २०६० सालमा स्टोभ पड्की जली घाईते भएकी मन्जुको काठमाडौँ स्थित टिचिङ अस्पतालमा उपचारको क्रममा मृत्यु भएपछि सत्यनारायणले बहुदरमाई नगरपालिका भौराटार वडा नं .७ घर भएकी गिता देवीसंग २०६१ सालमा विवाह गरेका थिए ।

नेहा र उनका भाई निरज कुमार वर्णवाल सत्यनारायणको पहिलो श्रीमती मन्जुका सन्तान थिए । सत्यनारायणको दोश्री श्रीमती गीता देवीबाट पनि पनि दुई सन्तानको जायजन्म भएको छ ।

प्रहरी अनुसार गीताले सौतेनी छोरी नेहालाई दिनहुं गाली गलौज र शारीरिक यातना समेत दिने गरेकी थीइन । उनैले दिएको यातानको कारण नेहाको हत्या भएको आशंकामा प्रहरीले श्रीमान श्रीमतीलाई पक्राउ गरि अनुसन्धान शुरु गरेको जनाएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।