घाइते पटेललाइ सांसद यादवले गरे आर्थिक सहयोग

12/26/2017 गते 00 00 मा प्रकाशित 1285 पटक पढिएको

वीरगन्ज , ११ पुष । वीरगन्जको सुपर ग्याँस उद्योगमा गत बुधबार भएको आगलागीमा परि घाइते भएका मध्ये उद्योगका सुरक्षा गार्ड अम्बिका पटेललाइ पर्सा क्षेत्र नम्बर १ का सांसद एंव संघीय समाजवादी फोरम नेपाल पर्साका अध्यक्ष प्रदीप यादवले नगद ५० हजार रुपैया सहयोग गरेका छन ।

वीरगन्जको वीरगन्ज हेल्थ केयर हस्पिटलमा उपचार गराइरहेका पटेललाइ आज अस्पतालमै पुगेर सांसद यादवले नगद ५० हजार रुपैया उपलब्ध् गराएका हुन।

ग्याँस उद्योगममा आगलगी भएकै दिन सांसद यादवले मृतकहरुलाइ जनही एक लाख र घाइतेहरुलाइ जनही ५०÷५० हजार रुपैया सहयोग गर्ने घोषणा गरेका थिए।

त्यही घोषणा अनुसार सांसद यादवले मंगलवार घाइते मध्येका पटेललाइ ५० हजार रुपैया प्रदान गरेका हुन । अर्का घाइते वारुण यन्त्रका चालक सुरेश महत्तोको काठमाण्डौको ट्रमा सेन्टरमा उपचार भइरहेकाले उनलाई आफु काठमाण्डौमै गएर ५० हजार रुपैया उपलब्ध गराउने यादवले बताए।

आगलागीमा परि ज्यान गुमाएका वारुण यन्त्रका कर्मचारीहरु तनहुको ड्ुम्रेका मधुसुदन मिश्र , सर्लाहीको लालबन्दीका यादव प्रसाद अधिकारी र विराटनगरका सन्जिव नेपालको परिवार अहिले किरीयामा बसेकाले किरीया सकेपछि तीन जनै मृतकका परिवारलाइ एक एक लाख रुपैया आफुले प्रदान गर्ने सांसद यादवले बताए ।

पर्सा क्षेत्र नम्बर ३ का सांसद हरिनारायण रौनीयार , पर्साका विधायकहरु लालबाबु राउत गद्धी , जन्नत अन्सारी र मन्जुर अन्सारीको सहितको टोली रकम हस्तान्तरणकालागि अस्पतालमा पुगेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।