लट्री प¥यो भन्दै ठगी गर्ने गिरोह प्रहरीद्वारा पक्राउ

12/19/2017 गते 00 00 मा प्रकाशित 1338 पटक पढिएको

बीरगंज ४ पौष .
सामाजिक संजालमार्फत ठगी गर्ने गिरोहलाई पर्सा प्रहरीले पक्राउ गरेको छ । गिरोहले पर्सा प्रहरीले दोस्रो पटक लट्री परेको भन्दै प्रलोभनमा पारेर ठगी गर्ने गिरोहका तीन जनालाई पक्राउ गरेको हो । गिरोहले भाइवर,फेसबुक,टवीटर र मोवाइलबाट लाखौको लट्री जित्नु भएको सन्देश पठाउने गरेको थियो ।

अव तपाईले कम्पनीको तर्फबाट पुरस्कार पाउनु हुनेछ भन्ने सन्देश गिरोहले पठाउने र पुरस्कार बापतको कर अग्रिम भूक्तानी गर्नु पर्ने शर्त राख्ने गथ्र्ये ।
पुस्कार पाउने लोभमा कर बापतको रकम गिरोहले भने अनुसार आइएमई गरेर पठाउदै आएकाहरु मध्यकैले यस्तो सूचना प्रहरीलाई दिएपछि प्रहरीले यस्तो गिरोहलाई पक्राउ गरेको हो ।

प्रहरीले मंगलवार बिहान बीरगंजको वडा नं ७ पालगल्लीमा रहेको माँ दुर्गा मनी ट्रान्सफरबाट एक जना र अन्य दुई जनालाई नारायणी गेष्टहाउसबाट पक्रेको पर्साका प्रहरी प्रवक्ता डिएसपी राजन लिम्बुले जानकारी दिनु भयो ।

प्रहरीले पक्राउ गरेकोमा भारत बिहारको कटिहार जिल्लाको कुजीवाना पंचायत जाजा थाना कदवा वडा नं १३ घर भई हाल दिल्लीमा बस्दै आएका साकिर रेजा सोही ठाउका मुकेश कुमार राय र बारा जिल्ला बरियारपुर नगरपालिका वडा नं १ घर हाल बीरगंजमा बसेर रिक्सा चलाउदै आएका फिरोज रायभर रहेका छन ।

उनीहरुको साथबाट प्रहरीले २ लाख ४० हजार नेपाली र ५ हजार ४ सय भारतीय रुपिया, फिरोजको नागरिकताको,उनको मतदाता परिचयपत्रको ९०÷९० थान फोटोकपी बिभिन्न बित्तिय संस्थाका सक्कल भौचरहरु ,भारतीय बैंकका एटिएम कार्डहरु एप्पल र सामसुङका सहित अन्य कम्पनीका गरि ७ थान मोवाइल समेत बरामद गरेको छ ।
यस अघि पर्सा प्रहरीले सामाजिक संजाल मार्फत बिभिन्न ब्यक्तिहरुलाई लुटेको आरोपमा प्रहरीले १४ मंसिरमा पनि एउटा गिरोहलाई नै पक्रेको थियो ।

बीरगंजको वडा नं १५ बसपार्कमा रहेको आइएमई रेमिट अगाडिबाट ६ जनालाई प्रहरीले पक्रेको थियो । त्यतीबेला पक्राउ पर्नेमा एक जना भारतीय र अन्य पाँच जना नेपाली रहेका थिए ।

प्रहरीले चिठ्ठा परेको भन्दै फोन वा सन्देश आएमा बिना कारण ठुलो रकमको दिने कुरा सत्य नहुने भएकोले प्रलोभनमा पर्न नहुनेमा सचेत हुन आग्रह गरेको छ । कुनै प्रलोभन वा भ्रममा परेर कुनै पनि आइएमइ वा बैंक वा अन्य कुनै बित्तिय संस्था मार्फत रकम उपलब्ध नगराउन जिल्ला प्रहरी कार्यालय पर्साले सबैमा अनुरोध समेत गरेको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।