प्रतिबन्धित भारतीय कुखुराको तस्करीले नेपाली कुखुरा व्यवसायी मारमा

11/16/2017 गते 00 00 मा प्रकाशित 1290 पटक पढिएको

वीरगन्ज, १ मंसिर । भारतीय कुखुरा नेपालमा प्रतिबन्ध लगाएपनि खुलआम रुपमा भारतीय कुखुराहरु भित्रिएपछि नेपाली कुखुरा व्यवसायीहरु मारमा परेका छन् ।

सीमा नाकाहरुमा रहेका सशस्त्र प्रहरी र नेपाल प्रहरीको मिलेमतोमा नै तस्करहरुले भारतीय कुखुराहरु ल्याउने गरेका कारण नेपाली कुखुरा व्यवसायीहरु मारमा परेको ग्रामीण कुखुरा व्यवसायी संघ पर्साका अध्यक्ष बालकृष्ण श्रेष्ठले बताए ।

मा नाकामा हुने चोरी तस्करी र आपाराधिक क्रियाकलाप नियन्त्रण गर्न स्थापना गरिएको सशस्त्र प्रहरी बल सीमा सुरक्षा कार्यालयको निष्क्रियताका कारण अहिले भारतीय कुखुरा निर्वाध रुमा भित्रिने गरेको व्यवसायीहरुले बताएका छन् ।

निर्वाचनको बहानामा जिल्लाका सुरक्षा निकायले चोरी तस्करीलाई खुला गरेर आफ्नो कमाउने धन्दा बनाएको स्थानीयहरुको आरोप छ । प्रहरीका दुवै निकायले अहिले भन्सार छलि तथा चोरी तस्करी नियन्त्रणमा खासै चासो नदेखाएको जनगुनासो बढेको छ ।

महानगर भित्रका केही स्थानमा सुरक्षा निकायका प्रमुख सहितका सुरक्षाकर्मीहरुको सक्रियता देखिएको भएपनि नाकाबाट हुने अवैध क्रियाकलापहरु रोक्न प्रहरीको खासै सक्रियता नदेखिएको स्थानीयको भनाई छ ।

भारतीय बजारबाट ल्याईका कुखुरा नेपाली बजारमा छ््याप छ््याप्ती पाउन थालेपछि नेपाली कुखुराहरु बिक्री हुन छाडेकोले नेपाली कुखुरा व्यवसायीहरु मारमा परेको अध्यक्ष श्रेष्ठको भनाई छ ।

कुखुरा चोरी तस्करी नियन्त्रणका लागि मौखिक रुपमा प्रशासनलाई आग्रह गर्दा समेत कुने चासो नदेखाएको उनले गुनासो गरे ।