म्यादी प्रहरी बनाउनेहरु रातोबंगलाबाट पक्राउ

10/31/2017 गते 00 00 मा प्रकाशित 1584 पटक पढिएको

बीरगंज १४ कार्तिक। म्यादी प्रहरीमा जागीर लगाउने भन्दै ठगी गर्ने तीन जनालाई पर्सा प्रहरीले पक्राउ गरेको छ । प्रहरीले बहुदरामाई नगरापालिका वडा नं १ का हरिनारायण राम सोही ठाउका बिसुनदेव प्रसाद यादव छठु महरा चमारलाई पक्राउ गरेको हो ।
उनीहरुलाई प्रहरीले सोमवार अपरान्ह जिल्ला प्रहरी कार्यालयको नजकै रहेको यातायात संस्थानको रातो बंगलाबाट पक्राउ गरेको हो । उनीहरुले बिभिन्न ब्यक्तिहरुको प्रवेश पत्र मिलाउदै गरेको अवस्थामा पक्राउ गरिएको जिल्ला प्रहरी कार्यालय पर्साले जनाएको छ ।
उनीहरुको साथबाट म्यादी प्रहरीमा भर्नाहरुकालागि आवेदन दिएका २२ जनाको प्रवेश पत्र अन्य २० जनाको प्रवेश पत्रको फोटोकपी ,स्वास्थ्य परिक्षण गराईको पाँच थान रिपोर्ट र ३७ हजार १ सय रुपैया नगद बरामद भएको प्रहरीले जनायो । म्यादी प्रहरीमा भर्ना हुनकालागि मेडिकल रिपोर्ट आवश्यक नभएपनि भर्ना हुन चाहनेहरुकोलागि भ्रममा पार्न त्यस्तो रिपोर्ट बनाएको प्रहरीले जनायो ।
आरोपीतहरुले म्यादीमा भर्ना हुन चाहनेहरुसंग ३ देखी ५ हजार रुपैया उठाएको पाइएको पर्सा प्रहरीले जनायो । प्रहरीले भने म्यादी प्रहरीमा सफल भएका ब्यक्तिहरु आफनै क्षमताका कारण सफल भएको भन्दै कसैलाई भ्रममा नपर्न आम जनतालाई अपिल गरिएको पर्साका प्रहरी प्रमुख प्रहरी उपरिक्षक डा.गणेश रेग्मीले बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।