शौचालय हुनेलाई रातो टिका

3/18/2017 गते 00 00 मा प्रकाशित 1292 पटक पढिएको

जीतपुर ५ चैत्र । बाराको गढीमाई नगरपालिका वडा नम्बर ४ औराहाको चौधरी टोल र मेहतो टोलमा आज खुला दिसामुक्त अभियान अन्तर्गत स्थानीयरुको भेला तथा घरदैलो कार्यक्र सम्पन्न भएको छ । वातावरण तथा जनस्वास्थ्य संस्था (एन्फो), नगर स्तरीय खानेपानी तथा सरसफाई स्वच्छता समन्वय समिति र टोल सुधार समितिको संयुक्त आयोजनामा घरदैलो कार्यक्रम सम्पन्न भएको हो । कार्यक्रममा चर्पीको महत्वको बारेमा जनचेतनामूलक जानकारी गराइएको एन्फोका आर्थिक तथा प्रशासन सहायक अधिकृत अजयलाल नकर्मीले बताए । कार्यक्रममा एन्फोका जिल्ला संयोजक केदार कोईरालाले सरसफाई सम्बन्धी कार्यपत्र प्रस्तुत गरेका थिए । । कार्यक्रममा गढीमाईनगरपालिका कार्यालयका सरसफाई अधिकृत हरिकिशोर साहले शौचालय नभएकाहरुलाई शौचालय निर्माण गर्न आग्रह गर्दै शौचालय नभएकाहरुलाई नगरपालिका कार्यालयबाट दिईने सुविधा रोका गर्ने चेतावनी दिए । घरदैलो कार्यक्रमका क्रममा घरमा शौचालय भएकाहरुलाई रातो अविर लगाई दिएर प्रशंसा गरिएको थियो । शौचालय नभएकाहरुलाई पहेंलो अविर लगाई चैत महिनाभित्र शौचालय निर्माण गरिसक्नुपर्ने बताईएको छ । कार्यक्रममा गढीमाई नगरपालिकाका कार्यकारी अधिकृत डिल्लीराज बेलवासे, टोल सुधार समितिका पदाधिकारी र स्थानीयको सहभागिता रहेको थियो । दुवै टोलमा गरी एकसय तीस घरधुरीमा अनुगमन तथा निरीक्षण गरिएको र भोली पनि कायक्रमलाई निरन्तरता दिने बताईएको छ । भोली चमार टोल र रामवनमा अभियान गर्ने जनाइएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।