गोतामे पत्रकारिता पुरस्कार पाल्पाका मेघराज शर्मालाई

2/3/2017 गते 00 00 मा प्रकाशित 1620 पटक पढिएको

वीरगंज, २१ माघ /
   पत्रकार एवं साहित्यकार गोपालचन्द्र गौतम (गोतामे)को स्मृतिमा स्थापित स्व. गोतामे पत्रकारिता पुरस्कार २०७३ पाल्पाका पत्रकार मेघराज शर्मालाई प्रदान गर्ने निर्णय भएको छ ।
   प्रतिष्ठानका अध्यक्ष जगदीशप्रसाद शर्माको अध्यक्षतामा आज बसेको बैठकले यस वर्षको स्व. गोपालचन्द्र गौतम पत्रकारिता पुरस्कार छैठौं संस्करण पत्रकार शर्मालाई प्रदान गर्ने निर्णय गरेको प्रतिष्ठानका कोषाध्यक्ष शत्रुघ्न नेपालले बताए ।
   २०६८ सालमा स्थापित गोपालचन्द्र    गौतम प्रतिष्ठानद्वारा स्थापित यो पुरस्कारबाट यसअघि मकवानपुरका प्रताप विष्ट, विराटनगरका मोहन भण्डारी, बुटवलका डिआर घिमिरे, सप्तरीका शिवहरि भट्टराई र झापाका स्व. मदन ढकाल पुरस्कृत भइसकेका छन् । स्थापनाकालमा १० हजार राशिबाट शुरु भएको यो पुरस्कार गत वर्षदेखि आधा तोला सुनको तक्मामा परिणत गरिएको सचिव लामिछानेले जानकारी गराए ।
   फागुन २ गते स्व. गोतामेको वार्षिक पुण्यतिथिको अवसरमा पुरस्कार प्रदान गरिने प्रतिष्ठानले जनाएको छ । स्व. गोतामे वीरगंजमा पत्रकारिता गरेर देशभरि नाम कमाएका थिए । उनको २०४६ साल फालगुन २ गते निधन भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।