सुशासन, पूर्वाधार र पर्यटन विकास एमाले पर्सा १ को प्राथमिकताः उम्मेदवार यादव
वीरगञ्ज, । चुनावी सरगर्मी बढ्दै जाँदा वीरगञ्ज महानगरपालिका–१४ मा युवाहरूले नेकपा एमालेलाई रोजेका छन ।
स्थानीय युवा नेता ओमप्रकाश पटेलको नेतृत्वमा विभिन्न राजनीतिक दलमा आबद्ध दर्जनौँ युवाहरूले औपचारिक रूपमा पार्टी परित्याग गर्दै नेपाल कम्युनिस्ट पार्टी(एमाले) प्रवेश गरेका छन्।
बिहिवार आयोजित एक कार्यक्रममार्फत नवप्रवेशीहरूलाई पर्सा क्षेत्र नं १ का नेकपा एमालेका उम्मेदवार प्रदीय यादवले टिका र खादा लगाएर पार्टीमा स्वागत गरेका थिए ।
कार्यक्रममा स्थानीय एमाले नेतृत्व, वडा स्तरीय कार्यकर्ता र समर्थकहरूको उल्लेख्य उपस्थिति देखिएको स्रोतले जनाएको छ।
एमालेमा प्रवेश गरेका युवा नेता पटेलले युवाको आवाजलाई संस्थागत गर्न सक्ने राजनीतिक मञ्चको खोजी गरिरहेका बेला एमालेमा प्रवेश गरेको जनाए।
स्थानीय विकास, रोजगारी, शिक्षामा सुधार र पारदर्शिताको पक्षमा प्रभावकारी भूमिका खेल्न सक्ने आधार एमालेभित्र देखेर आफूहरु एमालेमा समाहितएको पटेलको भनाई छ ।
उनले वीरगञ्ज–१४ मा युवाको सक्रिय सहभागिता बढाउँदै विकास–केन्द्रित अभियान सञ्चालन गर्ने प्रतिबद्धता पनि व्यक्त गरे।
एमालेका स्थानीय नेताहरूले युवाहरूको प्रवेशलाई “सकारात्मक ऊर्जा” का रूपमा व्याख्या गर्दै संगठन सुदृढीकरणमा बल पुग्ने बताएका छन। उनीहरूका अनुसार वीरगंजमा युवाहरूको आकर्षण बढ्नु पार्टीका लागि रणनीतिक रूपमा महत्वपूर्ण उपलब्धि हो।
राजनीतिक विश्लेषकहरू भन्छन्, स्थानीय तहमा हुने यस्ता सामूहिक प्रवेशले आगामी निर्वाचनमा मतदाताको मनोविज्ञान र संगठनात्मक शक्ति सन्तुलनमा प्रभाव पार्न सक्छ।
युवा नेताहरुलाई पार्टीमा स्वागत गर्दै उम्मेदवार यादवले सुशासन, पूर्वाधार र पर्यटन विकास एमाले पर्सा १ को प्राथमिकता रहेको बताएका छन ।
उनले एमालेले मुलुकको स्वाधीनता, सार्वभौमिकता र संविधानको संरक्षण गर्दै जनताको जीवनस्तर सुधार गर्ने लक्ष्यसहित समृद्ध नेपाल, सुखी नेपालीको राष्ट्रिय संकल्पलाई कार्यान्वयन गर्ने बताए ।
पूर्वमन्त्री समेत रहेका नेता यादवले सडक सञ्जाल विस्तार, खानेपानी, विद्युत, दूरसञ्चार, ढल निकास तथा फोहोर व्यवस्थापनलाई प्राथमिकतामा राखिएको बताए ।
एमालेले प्रशासनिक सुधार, पारदर्शिता र जनमैत्री सेवा प्रवाह सुनिश्चित गर्ने, भूमिहीन र सुकुम्बासीको समस्या समाधान गर्ने तथा सरकारी सेवामा सुशासन कायम गर्ने गरि काम गर्ने उनले बताए ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया