रास्वपामा दिनहुँ पारदर्शीताको सवाल उठदै,बागमतीका उपाध्यक्ष हुमागाईले पनि दिए राजीनामा
काठमाडौं । निर्वाचन नजिकिँदै गर्दा राष्ट्रिय स्वतन्त्र पार्टी (रास्वपा) भित्रको आन्तरिक विवाद थप सतहमा आएको छ ।
बागमती प्रदेशका उपसभापति रहेका दिनेश हुमागाईँले उम्मेदवार छनोट प्रक्रियाप्रति असन्तुष्टि जनाउँदै पार्टीको साधारण सदस्यसमेत नरहने गरी राजीनामा दिएका छन् ।
बागमती प्रदेश स्तरमा संगठन निर्माणमा सक्रिय भूमिका खेलेका हुमागाईँले नेतृत्वले पारदर्शिता र आन्तरिक लोकतान्त्रिक अभ्यासलाई बेवास्ता गरेको आरोप लगाएका छन् ।
उनका अनुसार उम्मेदवार चयनमा आर्थिक प्रभाव र पहुँचका आधारमा निर्णय भएको छ, जसले पार्टीको मूल उद्देश्य र आदर्शलाई कमजोर बनाएको छ ।
०७९ को निर्वाचनमा काभ्रे–२ बाट उल्लेख्य मत ल्याएका उनले लामो समयदेखि पार्टीमा क्रियाशील कार्यकर्ताहरूलाई पछाडि पारिएको गुनासो गरेका छन् ।
उनले सार्वजनिक गरेको सात बुँदे पत्रमा सदस्यता वितरणदेखि आर्थिक व्यवस्थापनसम्म अपारदर्शिता रहेको दाबी गरिएको छ ।
साथै, सामाजिक सञ्जालमा सक्रियता र नेतृत्वसँग निकटता भएका व्यक्तिहरूलाई प्राथमिकता दिइएको उल्लेख गर्दै उनले यस्तो प्रवृत्तिले संस्थागत राजनीति कमजोर हुने चेतावनी दिएका छन् ।
यसअघि पनि पार्टीभित्र असन्तुष्टि बढ्दै गएको संकेत देखिएको थियो । मधेश प्रदेशकी संस्थापक सभापति ममता शर्मा र नेतृ खेम कुमारी (उर्मिला) भुर्तेलले समेत नेतृत्वको कार्यशैलीमाथि प्रश्न उठाउँदै पार्टीबाट अलग भएका थिए ।
मधेश प्रदेश मा देखिएको असन्तुष्टिको लहर बागमतीसम्म फैलिनुले पार्टीको प्रादेशिक संरचनामा दबाब बढेको विश्लेषण गरिएको छ ।
निर्वाचन प्रचार तीव्र बन्दै जाँदा जिम्मेवार पदमा रहेका नेताहरूको बहिर्गमनले रास्वपाको संगठनात्मक स्थिरता र सार्वजनिक छविमाथि प्रभाव पार्ने देखिन्छ ।
सम्बन्धित शीर्षकहरु
सीमापारी/अन्तराष्ट्रिय
पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग
वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।
भारतीय कम्युनिष्ट पार्टी माओवादीका प्रभावशाली नेता प्रशान्त बोस ‘किशन दा’ को निधन
वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।
दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम
नयाँ दिल्ली । दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।
भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै
वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
बारा–पर्साका ग्रामीण बस्ती जोड्न साझा यातायातको तयारी, अध्ययन समिति गठन
वीरगंज । बारा र पर्साका विभिन्न पालिकाका ग्रामीण बस्तीलाई सार्वजनिक यातायातमार्फत जोड्ने योजना अघि बढेको छ। वीरगंज महानगरपालिकासहित अन्तरपालिका सार्वजनिक यातायात सेवा सञ्चालन गर्ने तयारीसँगै आवश्यक अध्ययनका लागि समिति गठन गरिएको छ।
घटस्थापनासँगै बडादशैँ सुरु, घरघरमा जमरा राखियो
वीरगञ्ज । नेपालीहरूको महान् पर्व बडादशैँ आज घटस्थापनासँगै सुरु भएको छ। आश्विन शुक्ल प्रतिपदाका दिन मनाइने घटस्थापनाको अवसरमा देशभरका घरघरमा विधिपूर्वक पूजा–आराधना गरी जमरा राखिएको छ।
खेलकुद
चाफीमा फुटबलको रोमाञ्च, उद्घाटन खेलमै कञ्चनपुरको शानदार विजय
रंगपुर । पर्साको पटेर्वा सुगौली गाउँपालिका–२ स्थित चाफी खेलकुद मैदानमा विजया दशमी, दीपावली तथा छठ पर्वको अवसरमा खुला नकआउट फुटबल प्रतियोगिता सुरु भएको छ।
सेढवामा भेट्रान फुटबलको तयारी तीव्र, विजेतालाई ५० हजार पुरस्कार
वीरगन्ज । पर्साको जिराभवानी गाउँपालिका–२ सेढवामा जिराभवानी भेट्रान क्लबको आयोजनामा भेट्रान फुटबल प्रतियोगिता हुने भएको छ।
तपाईको प्रतिक्रिया