वीरगंज । वीरगंज–१४ बहुवरी टोलमा नेकपा एमालेका उम्मेदवार प्रदीप यादवको घरदैलो कार्यक्रम सम्पन्न भएको छ ।
कार्यक्रममा स्थानीय नागरिकहरुसँग प्रत्यक्ष भेटघाट गर्दै नेकपा एमालेको तर्फबाट पर्सा क्षेत्र नं १ का प्रतिनिधि सभा सदस्य पदका उम्मेदवार प्रदीप यादवले नागरिकका समस्या, सुझाव र अपेक्षाहरू नजिकबाट सुनेका छन।

कार्यक्रमका क्रममा सहभागी स्थानीयवासीहरूले शिक्षा, स्वास्थ्य सेवा, सडक पूर्वाधार, सरसफाइ तथा रोजगारीका विषयमा आफ्ना धारणा राखेका थिए। जनतासँगको प्रत्यक्ष संवादले आफूलाईलाई अझ जिम्मेवार र प्रतिबद्ध बन्न प्रेरित गरेको यादवले बताएका छन।
यादवले आफनो चुनावी अभियान केवल चुनाव जित्ने उद्देश्यमा सीमित नभई वडाको समग्र विकास र रूपान्तरणका लागि दीर्घकालीन संकल्प भएको स्पष्ट पारेका छन।
उनले पारदर्शिता, सुशासन र जनउत्तरदायी व्यवस्थापनलाई प्राथमिकतामा राख्दै ठोस योजना र कार्यक्रमसहित अगाडि बढ्ने प्रतिबद्धता व्यक्त गरेका छन।
“जनताको विश्वास र साथै समृद्ध शहर निर्माणको आधार हो,” उनले भनेका छन जनताको सुश र दुःख आफू सधै रहेको र अव पनि रहिरहने छु ।
कार्यक्रमले वडा स्तरमै जनतासँग प्रत्यक्ष संवादको संस्कारलाई मजबुत बनाउँदै समावेशी र उत्तरदायी शासन प्रणालीतर्फ सकारात्मक सन्देश दिएको स्थानीयले बताएका छन्।
तपाईको प्रतिक्रिया