डा.यादव अपहरण प्रकरण माछो माछो भ्यागुतो,तथ्य र कथ्यमा निकै फरक

4/27/2020 गते 00 00 मा प्रकाशित 1385 पटक पढिएको

बीरगंज १५ बैशाख ।
डा.सुरेन्द्र यादवको अपहरण प्रकरण ,तथ्यहरुले के भन्छन ?

१. डा. सुरेन्द्र यादव जो पिएसओ बोकेर हिंडेका पूर्व स्वास्थ्य राज्यमन्त्री तथा वर्तमान सांसद महोत्तरीदेखि काठमाडौं सम्म आउँदा आफुले अपहरणमा परेको भनेर कतै प्रतिवाद गरेको र गुहार मागेको देखिदैन,

२. डा. यादवको पिएसओले समेत अपहरणको सूचना प्रहरीलाई दिएको देखिदैन,

३. आफ्नो स्वविवेक नभएका र राजनीतिका कच्चा खेलाडी जस्ले मन्त्री पदको लोभमा दोधार दोधारमा काठमाडौ पुगे । यो वीचमा आफू यसरी जान लागेको कुरा आफना अध्यक्ष उपेन्द्र यादवलाई जानकारी दिएको बताइरहेका छन ।

४. बाटोमा प्रधानमन्त्रीका नीजि सचिव सग पनि फोनमा कुरा गरेका छन ।

५. आफनै घरमा खाना खाए अपहरण गरे भन्नेहरुलाई पनि खाना ख्वाए । भिनाजु भान्जा आफनो सुरक्षाकर्मी सहित हिडे अनि तीन जनाले डा.लाई कसरी अपहरण गर्छन ?

६. स्वयम् यादवले फोन अर्को गाडीमा छुटेकाले सम्पर्क हुन नसकेको र डा. बावुराम भट्टराई लाई फोन गर्न नयाँ फोन नम्बर दिएको र बाटो बाट फोन गरेर उपेन्द्र यादव लाई कहाँ आउ भनेर सोधेको भनी अन्तर्वार्ता दिएका छन यसको अर्थ के हो ?

७. काठमाडौं आईपुग्नु अगावै मध्ये रातमा पार्टी मिल्लेकाले समाजबादी पार्टी फुटने अवस्था नरहेको र मन्त्रीको पद नपाउने भए पछि उपेन्द्र यादव लाई फ‍ोन गरी बाबुराम भट्टराई को गाडीमा होटेल बाट गएको,

८. काठमाडौं आएर दिएक‍ो सुरुसुरुका अन्तरवार्ताहरुमा उनी स्वंयमले आफू अपहरण नपरेको बताउदै आएका थिए । तेश्रो दिनमा एकाएक अपहरण भएको राग अलाप्न थाले ।

९. पूर्व प्रधानमन्त्री भट्टराईले घरमा राखी अन्तर्वार्तामा परिवर्तन गर्न दवाब दिएको,

१०. काठमाडौं आउने क्रममा संसद यादव सग सम्पर्क नभए पछि बावुराम भट्टराई र उपेन्द्र यादवहरु आफ्नो संसद खोजी गर्न छोडेर किन मध्य रातमा पार्टी एकता घोषणा गर्न लागे ?

११. अपहरणमा परेका भनिएका डा.यादवले घरमा फोन सम्पर्कहुदा आफू अपहरणमा नपरेको र ढुक्क हुन भनेको कुरा उनका परिवारका सदस्य कोट गरेर समाचारमा आएको तथ्यलाई कसरी नजरअन्दाज गर्न मिल्छ ?

माथिका यि तथ्यहरुले डा.सुरेन्द्र यादवको कथ्य सहि छैन भन्ने देखाउछ । यसमा महत्वपूर्ण कुरा सोही पार्टीका पर्साका क्षेत्र नं १ बाट निर्वाचित सासँद प्रदीप यादवले उनको बारेमा बिभिन्न वार्ताहरुमा दिएको अभिब्यक्तिलाई किन नजरअन्दाज गरिन्छ ?

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।