मनियारीका पूर्व उपाध्यक्ष यादव एमालेमा प्रवेश, राजनीतिक कार्यकर्ता र जनता एमालेमा जोडिदै

इसीमाना सम्वाददाता २०७९ बैशाख २२ गते २०: ३१ मा प्रकाशित 552 पटक पढिएको

बीरगंज महानगरपालिकाको निर्वाचन जति नजिक जादै छ उतिनै नेकपा एमालेसंग जोडिने राजनीतिक कार्यकर्ताको संख्या पनि थपिदै छ । बीरगंज महानगरपालिकाको वडा नं २२ मा राजनीतिक तथा सामाजिक क्षेत्रमा राम्रो छवी भएका सामाजिक अगुवाहरुले बिहिवार नेकपा एमालेलाई भविष्यको राजनीतिक तथा सामाजिक काम गर्ने औपचारिक मंच बनाउने निर्णय गरेका छन ।

उनीहरुलाई नेकपा एमालेमा संबिधान सभाका सदस्य एवं बीरगंज महानगरपालिकामा एमालेको तर्फबाट प्रमुखका उम्मेदवार बिजय कुमार सरावगीले अविर र गम्छा लगाएर पार्टीमा स्वागत गरेका हुन ।

साविकको मनियारी गाविसको उपाध्यक्ष रहनु भएका बीरेन्द्र यादवको एमालेमा आएपछि एमालेको शक्ति बढेको छ । राजनीतिका माध्यमले समाज सेवा गर्दै आएका यादवले अवको दिन एमालेबाटै त्यो अभियान संचालन गर्ने बताए ।

यादव सहितको एमाले प्रवेशले मनियारीको राजनीतिक शक्ति सन्तुलनमा निर्णायक भूमिका खेल्ने र त्यसले सिंगो महानगरमा पनि एमालेकालागि अनुकुल प्रभाव पार्ने संबिधान सभाका सदस्य बिचारी यादवले बताए ।

मनियारीका नेकपा माओवादी केन्द्रका पर्सा जिल्ला सदस्य हरिन्द्र यादवले पनि एमाले राजेका छन । उनले कम्युनिष्ट आन्दोलनको मुल प्रवाह एमाले भएको भन्दै जसका बिरुद्ध लडदै आइयो उनीहरुको पिछलग्गु हुदै गएकोले माओवादी परित्याग गरेको बताए ।

त्यस्तै जसपाका दरोगा तुराह, कृष्ण यादव,नथुनी साह ,जितेन्द्र यादव ,बिन्दा ठाकुर र वडा नं १४ का मनोज नेपाली र ९ का राधेश्याम थापा पनि आजै एमालेमा प्रवेश गरेका छन ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।