प्रदेश नम्बर २ को सम्वृद्धि कृषि, उद्योग र पर्यटनमा जोड
वीरगन्ज, २१ चैत्र । प्रदेश नम्बर २ का मुख्यमन्त्री लालबाबु राउत गद्दीले प्रदेशको विकासका लागि भ्रष्टाचार नियन्त्रण गरी सुशासन आवश्यक रहेको बताएका छन् ।
प्रदेश नम्बर २ को आगामी नीति र कार्यक्रमको तर्जुमा तथा परिमार्जन सम्बन्धमा आयोजना गरिएको सुझाव संकलन कार्यक्रममा मुख्यमन्त्री गद्दीले प्रदेश नम्ब २ को विकासका लागि भ्रष्टाचार नियन्त्रण आवश्यक रहेको बताएका हुन् ।
उनले केन्द्रीय बजेट विनियोजन गर्दा जनसंख्या, गरिबीको प्रतिशत र मानव विकास सूचकांकको आधारमा गरिनुपर्ने बताउदै क्षमताले भ्याए सम्म प्रदेश नम्बर २ ले यहाँका निजीक्षेत्र तथा प्रदेश नम्बर २ का नागरिकले दिएको सुझावलाई कार्यान्वयनमा लाने प्रतिवद्धता व्यक्त गरे ।
सीमित साधन र स्रोत भएको प्रदेशमा जनताको चाहाना असीमित भएकाले त्यसलाई व्यावस्थापन गर्दै लाने भएकोले कुनै शंका नगर्न आग्रह पनि गरे । निजीक्षेत्रलाई प्रदेशमा उद्योगमा लगानी गर्न लगानीमैत्री वातावरण तयार गर्न प्रदेश सरकारबाट गर्नुपर्ने जुनसुकै सहयोग पनि गर्न तयार रहेको बताउदै उनले सुशासन कायम गरी सम्वृद्धिको आधार तयार पार्ने बताए ।
प्रदेश २ को विकासका लागि शिक्षामा विशेष जोड दिईने र केन्द्रसँग पनि प्रदेशका लागि विशेष प्याकेजमै सहयोग गर्न अनुरोध गरेको जानकारी दिए । विकासको प्रचुर सम्भावना रहेको प्रदेश नम्बर २ मा कृषि, पर्यटन र शिक्षाको हब बनाउन सकिने बताए ।
कार्यक्रमा प्रदेश नम्बर २ का अर्थमन्त्री विजय यादवले विकासको महत्वपूर्ण आधार भनेको शिक्षा, स्वास्थ्य कृषि, उर्जा र उद्योग रहेकोले यसको लागि समानताको नीति आवश्यक रहेको बताए ।
संघीय सरकारको बजेट समानताको आधारमा विनियोजन हुनुपर्ने बताउदै क्षमता अनुसार सौर्य उर्जालाई सार्वजनिक नीजि साझेदारीको अवधारणामा लिएर जाने बताए । जनकपुर चुरोट कारखाना, वीरगन्ज चिनी कारखाना, कृषि औजार कारखाना संचालनको पहल गर्ने र शहिद परिवारलाई क्षमता अनुसारको सरकार रोजगारीको व्यावस्था गर्ने आश्वासन दिए ।
आफ्नो मन्तव्यमा धेरै केन्द्रलाई दोष लगाउन समय खर्चिएका मन्त्री यादवले अहिले नेपालमा हिंसा मच्चाईरहेको विप्लव, गोईत र ज्वाला सिंह समूह बेरोजगारीका कारण भएको बताउदै कोहीपनि विप्लव, ज्वाला, गोईतका कार्यकर्ता नभएको र उनीहरुले हिंसालाई व्यापार बनाईरहेको बताए ।
उनले यस्ता खाले हिंसात्मक गतिविधिलाई प्रदेश सरकारले सतर्कतापूर्ण समाधान गर्ने बताए । वीरगन्ज उद्योग वाणिज्य संघका अध्यक्ष ओम प्रकाश शर्माको अध्यक्षतामा भएको छलफल तथा सुझाव कार्यक्रममा सहभागि उद्योगी व्यवसायीहरुले कृषि र पर्यटन उद्योगमा जोड दिन प्रदेश सरकारलाई सुझाव दिए ।
कार्यक्रममा उद्योगी जगदीश अग्रवाल, अशोक वैद, गणेश लाठ, अशोक टेमानी, प्रदीप केडिया, सुवोध गुप्ता, माधव राजपाल, आनन्द यादव लगायतले आ–आफ्ना सुझाव दिएका थिए । कार्यक्रमको सहजीकरण वीरगन्ज उद्योग वाणिज्य संघका प्रशासकीय अधिकृत मनोज उपाध्यायले गरेका थिए ।
सम्बन्धित शीर्षकहरु
सीमापारी/अन्तराष्ट्रिय
तामिलनाडु भागदौडमा ३९ जनाको ज्यान गयो,प्रति परिवारलाई ३२ लाख राहत दिइने
नयाँ दिल्ली। शनिबार तमिलनाडुको करूरमा अभिनेता–नेता विजयको र्यालीमा भादौड मच्चिदा ३९ जनाको ज्यान गएको छ । १ सय भन्दा बढी घाइते भएका छन, जसको उपचार बिभिन्न अस्पतालमा भइरहेको छ।
भारतको लद्दाखमा राज्यको माग र स्वायत्तताका लागि चर्कियो आन्दोलन,४ को मृत्यु,भाजपा कार्यालयमा आगजनी
लेह । लद्दाखमा राज्यको माग र छैठौँ अनुसूचीमा समावेश गर्नुपर्ने आन्दोलन तीव्र बनेको छ।
प्रवासी नेपाली मंच स्लोभाकियाको अध्यक्षमा रुद्र किसन चयन
बेल्जियम । प्रवासी नेपाली मन्च स्लोभाकियाले रुद्र किसनलाई मन्चको अध्यक्ष चुनेको छ । मन्चको प्रथम अनलाइन भेलाले किसनको अध्यक्षतामा नयाँ कार्यसमिति चुनेको हो। भेलाले ३१ सदस्यीय कार्यसमिति सर्वसम्मत चयन गरेको हो।
गैरआवासीय नेपाली संघ, राष्ट्रिय समन्वय परिषद बेल्जियमको अध्यक्ष नेपाल सर्वसम्मत
बेल्जियम । गैरआवासीय नेपाली संघ, राष्ट्रिय समन्वय परिषद बेल्जियमको १० औं राष्ट्रीय महाधिबेशनले लोकेन्द्र नेपाललाई अध्यक्षमा सर्वसम्मत चयन गरेको छ ।
आधा आकाश
प्रहरीले अन्याय गरेको भन्दै न्यायकालागि आवाज उठाईदिन पीडित महिलाको अपिल
आधी रातमा घरमा पसी हुलहुजत गर्ने माथी प्रहीले कारवाही नगरेको भन्दै आज पीडित महिलाले पत्रकार सम्मेलन गर्नु भएको छ
समाज
वीरगंजमा सुनकाण्डः व्यवसायी अभिषेक सर्राफको घरमा संयुक्त टोलीको छापा, करोडौँको स्रोत नखुलेको सुन बरामद
वीरगंज । वीरगंजस्थित एक सुन व्यवसायी अभिषेक सर्राफको घरमा छापामारी गरी बहुल्य सुन चाँदी नियन्त्रणमा लिएको छ ।
एनजिओको नाममा फर्जी बिल बनाएर लाखौको भूक्तानी, कर्मचारीको खातामा पैसा हालेको केवटको स्वीकारोक्ती
वीरगंज । छिपहरमाई गाउँपालिका संभौता २ का स्थायी बासिन्दा अमोद केवट माथि लाखौं रुपैयाँ अनियमितता गरेको गम्भीर आरोप लागेको छ।
खेलकुद
उराव फुटबल क्लब बन्कुललाई रङपुर नकआउट फुटबलको उपाधि
रंगपुर । पटेर्वा सुगौली गाउँपालिका–२ मा रङपुर युवा समाजद्वारा आयोजित नकआउट फुटबल प्रतियोगिताको उपाधि उराव फुटबल क्लब बन्कुलले हात पारेको छ।
स्व. समाजसेवी रामबहादुर श्रेष्ठको स्मृतिमा फुलपातिको दिनदेखि ‘ठोरी गोल्ड कप’ सुरु हुने
वीरगञ्ज । स्व. समाजसेवी रामबहादुर श्रेष्ठको स्मृतिमा आयोजना हुने ठोरी गोल्ड कप फुटबल प्रतियोगिता आश्विन १३ गते (फुलपाति) बाट सुरु हुने भएको छ।
तपाईको प्रतिक्रिया