मुख्यमन्त्री लालबाबु राउतले आज जनकपुरधाममा अक्सिजन प्लान्टको उद्घाटन गर्नु भएको छ ।
एस आर जे ग्रुपले जनकपुरधाम उपमहानगर वडा न.२३मा स्थापना गरेको ग्यास प्लान्टको मुख्यमन्त्री राउतले आज एक कार्यक्रमका बिच उद्घाटन गर्नु भएको हो ।
मुख्यमंत्री राउतले अक्सिजन उत्पादनको प्लान्ट जडान गरेकोमा संचालकलाई धन्यवाद दिनु भयो । कोरोना संकटका बेलामा अक्सिजनको आवश्यकता र महत्व बढ्यो यसको उत्पादन शुरु हुनुले सन्तोष दिएको उहाँले बताउनु भयो । उहाँले जनकपुरमा अक्सिजनको अभाव नहुने बिश्वास ब्यक्त गर्नु भयो ।
सात करोड्को लगानीमा सुरु भएको उक्त उद्योगले दैनिक ४ सय ५० सिलिन्डर अक्सिजन उत्पादन गर्ने जनाईएको छ ।
एसआरजे ग्रुपका अध्यक्ष शिवनन्दन साहकोअध्यक्ष्ता मा भएको उक्त कार्यक्रममा सामाजिक बिकास मन्त्री नवल किशोर साह , प्रदेश सभा सदस्य करिमा बेगम, पुर्ब कृषि मन्त्री हरिनारायण यादव , मुख्यन्यायधिबक्ता दिपेन्द्र झा लगायतको सहभागिता रहेको थियो ।
तपाईको प्रतिक्रिया