logo

पर्सामा दुई छुट्टाछुट्टै रक्तदान कार्यक्रम, ११६ जनाले गरे रक्तदान

 ईसिमाना सम्वाददाता     २०८३ मंसिर ५ गते ०७: ५२ मा प्रकाशित     58   पटक पढिएको

वीरगञ्ज । पर्साका विभिन्न स्थानमा आयोजित दुई छुट्टाछुट्टै रक्तदान कार्यक्रममा १ सय १६ जनाले रक्तदान गरेका छन्। पर्सागढी युवा समाज र प्रगतिशील युवा क्लब वीरगञ्जले आयोजना गरेका कार्यक्रममा युवादेखि स्थानीय बासिन्दासम्मले उत्साहपूर्वक सहभागिता जनाएका हुन्।

 

पर्सागढी युवा समाजको आयोजनामा शनिवार पर्सागढी नगरपालिका–९, बडेर्वास्थित नेपाल राष्ट्रिय माध्यमिक विद्यालयमा सम्पन्न रक्तदान कार्यक्रममा ६५ जनाले रक्तदान गरेका छन्।

 

पर्सागढी नगरपालिका हरपुर, नेपाल रेडक्रस सोसाइटी वीरगञ्ज र ब्लड बैंक वीरगञ्जको प्राविधिक सहयोगमा कार्यक्रम आयोजना गरिएको थियो। कार्यक्रममा सहभागी एक रक्तदाताले आफ्नो जीवनको १०औँ पटक रक्तदान गरेका छन्।

 

उनले पुनः रक्तदान गर्न पाउँदा गर्व महसुस भएको बताउँदै रक्तदानलाई मानवीय सेवाको महत्वपूर्ण कार्यका रूपमा लिन सबैलाई आग्रह गरेका छन्।

 

त्यसैगरी, प्रगतिशील युवा क्लब वीरगञ्ज–१५, प्रतिमाचोकको आयोजनामा क्लबको २६औँ वार्षिकोत्सवको अवसरमा शनिबार आयोजित रक्तदान कार्यक्रममा ५१ जनाले रक्तदान गरेका छन्।

No photo description available.

‘रक्तदान जीवनदान’ भन्ने मूल नाराका साथ क्लब भवनको प्राङ्गणमा बिहान ९ः३० बजेदेखि सञ्चालन गरिएको कार्यक्रममा वडा अध्यक्ष रमेश यादवको उपस्थिति रहेको थियो।

 

 उनले रक्तदानजस्तो मानवीय सेवाले समाजमा सकारात्मक सन्देश प्रवाह गर्नुका साथै आवश्यक परेका बिरामीको जीवन बचाउन महत्वपूर्ण भूमिका खेल्ने बताए।

 

दुवै कार्यक्रममा रक्तदाताहरूले रक्तदानले अरूको जीवन बचाउन महत्वपूर्ण योगदान पुर्‍याउने भन्दै यस्ता सामाजिक तथा मानवीय सेवाका गतिविधिलाई निरन्तरता दिनुपर्ने धारणा राखेका थिए।

 

रक्तदान कार्यक्रममार्फत संकलित रगतले उपचारका क्रममा रगत आवश्यक पर्ने बिरामीलाई सहयोग पुग्ने आयोजक संस्थाहरूले विश्वास व्यक्त गरेका छन्।

 दुवै संस्थाले कार्यक्रममा सहभागी भई रक्तदान गर्ने सम्पूर्ण रक्तदाता, सहयोगी, शुभेच्छुक तथा सरोकारवालाप्रति आभार व्यक्त गरेका छन्।

 

रक्तदानलाई सामाजिक उत्तरदायित्व र मानवीय सेवाको अभियानका रूपमा अघि बढाउन युवाहरूले देखाएको सक्रियताले समाजमा सकारात्मक सन्देश दिएको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।

तपाईको प्रतिक्रिया

सम्बन्धित शीर्षकहरु




सीमापारी/अन्तराष्ट्रिय

पत्रकार धम्काउने जर्मनी दूतावासका प्रथम सचिवलाई कारबाही गर्न पत्रकार महासंघ युरोपको माग

वीरगंज । जर्मनीको बर्लिनस्थित नेपाली राजदूतावासका प्रथम सचिव रन्जन यादवले पत्रकार दीपेन्द्र गजुरेललाई धम्की दिएको आरोप लगाउँदै उक्त घटनाको निष्पक्ष छानबिन गरी कारबाही गर्न माग गरिएको छ।

भारतीय कम्युनिष्ट पार्टी माओवादीका प्रभावशाली नेता प्रशान्त बोस  ‘किशन दा’ को निधन

वीरगंज । भारतीय कम्युनिष्ट पार्टी माओवादीका एक प्रभावशाली नेता प्रशान्त बोस ‘किशन दा’ को ८५ वर्षको उमेरमा राँचीस्थित रिम्स अस्पतालमा निधन भएको छ ।

दिल्लीका पूर्व मुख्यमन्त्री केजरीवाल र उपमुख्यमन्त्री सिसोदिया निर्दोष सावित भने बेइमान सावित गर्ने भाजपाको तमाम कोशिस निष्काम

नयाँ दिल्ली ।  दिल्लीको राउज़ एवेन्यू अदालतले शुक्रबार रक्सी घोटालाका सबै आरोपीलाई निर्दोष ठहर गरेको छ । यसमा आम आद्मी पार्टीका नेता दिल्लीका  पूर्व मुख्यमन्त्री अरविंद केजरीवाल र पूर्व उपमुख्यमन्त्री मनीष सिसोदिया पनि समावेश छन् ।

भारतको त्रिपुरामा चक्मा हत्या बिरुद्ध आन्दोलन, सम्मान, गरिमा र माया नपाएका पूर्वोतरका मान्छेहरु अलग देशको माँग गर्दै

वीरगंज । ९ डिसेम्बर २०२५ मा उत्तराखण्डको देहरादूनमा एक जातीयतावादी भीडको निर्मम आक्रमणमा परेका त्रिपुराका एन्जेल चक्माको उपचारको क्रममा ज्यान गएको छ ।
सम्पादक

कृष्णचन्द्र लामिछाने

९८५५०२२४९७

बीरगंज १४, पर्सा

सम्पर्क

सीमाना मिडिया प्रा.लि.
बीरगंज १४, पर्सा
सि.न.दर्ता प्रमाणपत्र नं.१८४०/०७६/७७/

info@simana.com, news@esimana.com


© 2026 Simana Media Pvt. Ltd.

Design and Development by Cyberlink Pvt. Ltd.