बीरगंज उधोग बाणिज्य संघ र औषधी उत्पादक संघाद्वारा पर्सा प्रहरीलाई स्वास्थ्य समाग्री हस्तान्तरण

5/4/2021 गते 00 00 मा प्रकाशित 682 पटक पढिएको

बीरगंज उधोग बाणिज्य संघले नारायणी अस्पतालमा उपचारार्थ आउने बिरामीहरुका लागि राहत स्वरुप अस्थाई रुपमा टेण्ट तथा शितल पिउने पानीको व्यवस्था गरेको छ ।

बिरामी तथा आफन्तजनलाई राहत होस भनेर संघले शितल पानी र टेण्टको ब्यवस्था गरेको सङ्घका अध्यक्ष सुवोध गुप्ताले जानकारी दिनु भयो ।

साथै दोश्रो लहरको कोभिड–१९ रोगको संक्रमण नियन्त्रण तथा उपचारको लागि मंगलवार वीरगञ्ज उद्योग वाणिज्य सङ्घ तथा नेपाल औषधी उत्पादन संघ संग सहकार्य गरेर जिल्ला प्रहरी कार्यालय, पर्सालाई कोभिड नियन्त्रणका लागि स्वास्थ्य समाग्री उपलब्ध गराएको छ ।

१०० एम.एल. को ७३० थान सेनेटाईजर, ५ लिटरको ४ ग्यालेन (२० लिटर) सेनेटाईजर, फेस सिल्ड १०० थान, ओक्सीमिटर ४ थान र कोभिडको उपचारको लागि आवश्यक पर्ने विभिन्न औषधिहरु भएको पाकेट २२० थान सहयोग र ४०० थान सेनेटाईटर सशस्त्र प्रहरीलाई पनि उपलब्ध गराएको छ ।

जिल्ला प्रहरी कार्यालय, पर्सालाई औषधी हस्तान्त्रणमा सङ्घका अध्यक्ष तथा नेपाल उद्योग वाणिज्य महासङ्घका केन्द्रीय सदस्य सुबोधकुमार गुप्ता, नेपाल औषधी उत्पादन सङ्घका केन्द्रिय कोषाध्यक्ष तथा वीउवासङ्घका कार्यसमिति सदस्य प्रभात रुंगटा, औषधी उत्पादक प्रेम जाटिया, आषिश ठाकूरको उपस्थिती रहेको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।