बीरगंजको छपकैयामा निशुल्क नेत्र तथा दंन्त परिक्षण ६० जनामा मोतिबिन्दु फेला , निशुलक अप्रेशन गरिने

2/27/2021 गते 00 00 मा प्रकाशित 1399 पटक पढिएको

समुदाय प्रहरी साझेदारी अन्तर्गत सामुदायिक सेवा केन्द्र तथा सामुदायिक प्रहरी सेवा छपकैयाको आयोजनामा वडा नं छपकैयामा २ मा निशुल्क आखा तथा दन्त शिवीर कार्यक्रम सम्पन्न भएको छ ।

बीरगंज राईजिङ्ग नेपाल तथा मार्टिका आई फाउन्डेसन र बीरगंज डेन्टल क्लिनिक एन्ड ईम्पलान्ट सेन्टरको विशेष सहयोगमा शिविर सम्पन्न भएको हो ।

ताराचन्द किशन लाल आधारभुत विद्यालय छपकैया २ को प्राङ्गणमा भएको शिविरमा ९० जना महिला र ४८ जना पुरुष गरि १३८ जनाले चेकजाँच नेत्र परिक्षण गराएका थिए ।

परिक्षण गरिएका मध्य ६० जनामा मोतिबिन्दु भएको र उनीहरुको केही दिनमा निशल्क अप्रेसन गर्ने माट्रिका आई आफण्डेशनका संयोजक महेश धामीले जानकारी दिनुभयो ।

त्यसैगरि आजै दन्त शिबिरमा १४ महिला र १९ पुरुष गरि ३३ जनाले चेकजाँच गरेको डा. रेयाजुल हकले बताउनु भयो ।

सामुदायिक सेवा केन्द्र छपकैया २ का अध्यक्ष हाजी ग्यासुदिन ठकुराईको अध्यक्षतामा शिविर सम्पन्न भएको थियो । शिविरमा बीरगंज महागरपालिकाका प्रमुख बिजय सरावगीले मोतिबिन्दुको अप्रेशन मार्फत नागरिकलाई ज्योती फर्काउने आफनो अभियानको बारेमा प्रकाश पार्नु भएको थियो ।

सरावगीको नेतृत्वमा यो वर्ष पर्साका करिव ५ हजार नागरिकको मोतिबिन्दुको निशुल्क शल्यक्रिया गरिएको छ ।

जिल्ला प्रहरी कार्यालय पर्साका प्रहरी नायब उपरीक्षक ओमप्रकाश खनाल , वडा प्रहरी कार्यालय बिर्ताका प्रहरी निरीक्षक राजेश राज पुरी , स्कुल व्यवस्थापन समितिका अध्यक्ष ताज मिया, मिनाबजार सामुदायिक सेवा केन्द्रका सचिव ग्यासुदिन देवान , सामुदायिक सेवा केन्द्र छपकैया २ का उपाध्यक्ष मो. अब्दुल हक , कोषाध्याक्ष प्रेम कुमारी सिंह , सदस्य अजित भुजेल , टीका प्रसाईं , अरुण गोयल , जेयाउल हक , प्रहरी सहायक निरीक्षक सन्जिव कुमार यादव , प्रहरी हवल्दार देवेन्द्र पटेल र प्रहरी जवान राजकुमार तामाङ लगायतका स्थानीयहरुको उल्लेखनिय सहभागीता रहेको थियो ।

स्वागत मन्तव्य सामुदायिक सेवा केन्द्र छपकैया २ का सचिव प्रबिण बिक्रम शाहले र कार्यक्रम सन्चालन सदस्य अब्दुल कैशले गर्नु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।