रौतहटको राजपुरमा हैजाको प्रकोप , चिकित्सकको टोली परिचालनको तयारी

इसीमाना सम्बाददाता २०८१ असोज ४ गते १४: ४२ मा प्रकाशित 188 पटक पढिएको

रौतहट, ४ असोज । रौतहटको राजपुर नगरपालिकामा हैजाको प्रकोप फैलिएको आशंका गरिएको छ । प्रादेशिक अस्पताल गौरमा आरडिटी प्रविधिबाटस्याम्पल परिक्षण गर्दा ६ जनाको स्याम्पलमा पोजेटिभ अर्थात हैजाको किटाणु फेला परेको प्रादेशिक अस्पताल गौरले जनाएको छ ।

राजपुर नगरपालिकाको स्वास्थ्य संयोजक खुर्शेद आलमले आरडिटी प्रविधिको परिक्षण बिश्वासयोग्य नहुने भएकोले स्याम्पलको कल्चर गराउनका लागि जनकपुरधाम पठाउने तयारी भईरहेको बताए ।

राजपुर नगरपालिका वडा नम्वर ३ र ४ मा एक्कासी बिरामी बढेपछि हैजाको आशंका गरिएको हो । झाडापाखालाबाट ग्रसित भएर विहिवार र शुक्रवार प्राथमिक स्वास्थ्य केन्द्र राजपुरमा २२ जना बिरामी उपचार गराउन आएका थिए ।

त्यमध्यकै सातजना बिरामीको स्याम्पल परिक्षणकालागि प्रादेशीक अस्पताल गौर पठाइएको थियो ।

अहिले पनि प्राथामिक स्वास्थ्य केन्द्र राजपुरमा १० महिला,७ वालवालिका र एक जना पुरुष गरि१८ जनालाई भर्ना गरेर उपचार गरिएको छ ।

बिरामीहरुको पानी उपभोगको स्रोत चापाकल, र ओभरकेड टंयाकीको पानी हो । चापाकल र ओभरहेड पानी पिउदा समेत हैजाको प्रकोप देखिनु अनुसन्धानको बिषय बनेको छ ।

अहिले नै हैंजा भएको भन्न नमिल्ने तर संकेत देखा परेको आरडिटी टेष्टबाट पुष्टी भएको स्वास्थ्य संयोजक आलमले बताए ।

यो घटना सार्वजनीक भए लगत्तै डब्लयूएचओका तर्फबाट एक जना चिकित्सकको नेतृत्वमा बिहिवार एउटा टोली राजपुरमा परिचालन भएको राजपुरका सूचना अधिकारी बैजु ठाकुरले बताए ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।