अब क्यान्सरको उपचारकालागि बिशषेज्ञ सेवा बीरगंजको नारायणी अस्पतालमै उपलब्ध हुने

इसीमाना सम्वाददाता २०८१ सावन ३० गते ०६: ५७ मा प्रकाशित 342 पटक पढिएको

काठमाडौं। मधेश प्रदेशमा बीरगंजमा रहेको नारायणी अस्पतालले क्यान्सर सम्बन्धी बिशेषज्ञ सेवा उपलब्ध गराउने भएको छ ।भक्तपुर क्यान्सर अस्पतालले मधेशमा नारायाणी अस्पताल मार्फत यो सेवा उपलब्ध गराउन लागेको हो ।

अस्पतालमा क्यान्सर उपचार सेवा विस्तार गर्ने कार्यविधि २०८१ स्वीकृत भएसंगै सेवा बिस्तार हुने भएको हो।

कार्यबिधि मार्फत स्वास्थ्य तथा जनसंख्या मन्त्रालयले थप पाँच प्रदेशमा क्यान्सर उपचार सेवा विस्तार निर्णय गरेको हो ।

स्वास्थ्य तथा जनसंख्या मन्त्री प्रदीप पौडेलले बुधबार अस्पतालमा क्यान्सर उपचार सेवा विस्तार गर्ने कार्यविधि २०८१ स्वीकृत गरेका छन्।

मन्त्री पौडेलले पदभार सम्हालेलगत्तै गत असार ३१ गते आफ्नो पहिलो निर्णयमा राष्ट्रिय क्यान्सर नियन्त्रण रणनीति २०२४–३० स्वीकृत गरेका थिए। रणनीतिले सातवटै प्रदेशमा क्यान्सरको परीक्षण तथा निदान गर्ने लक्ष्य लिएको थियो। त्यसको एक महिनाभित्रै बुधबार मन्त्री पौडेलले कार्यविधि स्वीकृत गरेका हुन्।

यसैगरी, बीपी कोइराला मेमोरियल क्यान्सर अस्पताल भरतपुरले गण्डकी प्रदेशको पोखरा स्वास्थ्य विज्ञान प्रतिष्ठान, कर्णालीको सुर्खेत प्रादेशिक अस्पताल र सुदुरपश्चिमको धनगढीस्थित सेती प्रादेशिक अस्पतालमा विशेषज्ञ सेवा उपलब्ध गराउनेछ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।