पर्साका २२ जना सहित ३६ जना नयाँं कोरोना संक्रमित थपिए

10/17/2020 गते 00 00 मा प्रकाशित 1485 पटक पढिएको

वीरगन्ज, १ कार्तिक । चारजना बैंकका कर्मचारी सहित वीरगन्जमा थप ३६ जनामा कोरोना संक्रमण पुष्टि भएको छ । नारायणी अस्पतालको प्रयोशगशालामा गएराति आएको रिपोर्ट अनुसार एनसीसी बैंकका ३ जना र एसबीआई बैंकका एकजना सहित पर्सा, बारा, रौतहट र सप्तरीका गरी ३६ जनामा कोरोना संक्रमण पुष्टि भएको नारायणी अस्पतालका प्रवक्ता डाक्टर अतुलेश कुमार चौरसियाले जानकारी दिनुभयो ।

पर्साबाट संकलन गरिएको १३९ र बाराबाट संकलन गरिएको ५६ वटा स्वाबको पीसीआर परीक्षण गर्दा १८ देखि ३६ सिटी भ्यालु रहेका १३ बर्षदेखि ७२ बर्ष उमेर समूहका ३६ जनामा कोरोना संक्रमण देखिएको हो । डाक्टर चौरसियाका अनुसार संक्रमित हुनेहरुमा पर्साको वीरगन्ज महानगरपालिका वडा नम्ब १, ३, ४, २४ मा एक एकजना, वडा नम्बर १४ मा २ जना, वडा नम्बर १३ मा ४ जना र वडा नम्बर १० मा ६ जना रहेका छन् ।

त्यस्तै बाराको सुवर्ण गाउँपालिका वडा नम्बर २ का एकजना, कलैया वडा नम्बर ५ का एकजना, निजगढ नगरपालिका वडा नम्बर ९ को ६ जना, वडा नम्बर ६ को एकजना, वडा नम्बर ७ को ३ जना र वडा नम्बर ८ को एकजनामा पनि संक्रमण भेटिएको छ । रौतहटको राजपुरका एकजना, सप्तरीको रुपनीका एकजना र डाबर नेपालका एकजनामा पनि संक्रमण पुष्टि भएको अस्पतालका प्रवक्ता डाक्टर चौरसियाले जानकारी दिनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।