बहुदरमाईको नगरदाहमा निशुल्क नेत्र शिविर सम्पन्न, १ सय २६ जनामा मोतिबिन्दुको समस्या

10/8/2020 गते 00 00 मा प्रकाशित 1088 पटक पढिएको

विश्व दृश्य दिवसको अवसरमा बिहिवार गिरिजा प्रसाद कोईराला फाउण्डेशन पर्साले निशुल्क आखाँ शिविर सम्पन्न गरेको छ । शिविरमा माट्रिका आई फाण्डेशनका नेत्र प्राविधिकले नेत्र परिक्षण गरेका थिए ।

बहुदरामाई नगरपालिका वडा नं ३ नगरदाहामा रहेको महाविर साह माध्यामिक बिद्यालयमा आयोजना गरिएको नेत्र शिविरमा २ सय २५ जनाको नेत्र परिक्षण गरिएको माट्रिका आई फाण्डेशनका संयोजक महेश सिंह धामीले जानकारी दिनु भयो ।

चेकजाँचका क्रममा १२६ जनाको आँखामा मोतिबिन्दुको समस्या देखिएको पाइएको छ जसमा ७१ जना महिला र ५५ जना पुरुष रहेको धामिले बताउनु भयो । मोतिबिन्दु देखिएका बिरामीहरुको निशुल्क अप्रेशन गरिने धामीको भनाई छ ।

फाउण्डेशनका अध्यक्ष मोहम्मद सहाबुदिनको अध्यक्षतमा भएको निशुल्क नेत्र परिक्षणमा नेपाली कांग्रेसका केन्द्रीय सदस्य तथा मधेश बिभाग प्रमुख अजय कुमार चौरसिया , प्रदेश सासाद राजेश्वर साह तेली, बहुदरामाई नगरपालिका मेयर नितेन्द्र साह, तराई मधेश समन्वय विभागका सचिव रामनारायण प्रसाद कुर्मी लगायतका नेताहरुको सहभागिता रहेको थियो ।

कार्यक्रममा जि.पी फाउण्डेशनका पदाधिकारी सदस्यहरुले नेत्र शिविरको ब्यवस्थापनमा योगदान दिएका थिए । कार्यक्रममा स्वागत मन्तव्य फाउण्डेशनका कोषाध्यक्ष मनोहर साहले ब्यक्त गर्नु भएको थियो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।