मध्य तराईका बारा पर्सा रौतहटमा थप १ सय १० जनामा कोरोना भाइरसको संक्रमण पुष्टि

9/3/2020 गते 00 00 मा प्रकाशित 984 पटक पढिएको

मध्य तराईका बारा पर्सा रौतहटमा थप १ सय १० जनामा कोरोना भाइरसको संक्रमण पुष्टि भएको छ ।
वीरगञ्जस्थित नारायणी अस्पतालमा गरिएको परिक्षणमा थप १ सय १० जनामा कोरोना सङ्क्रमण पुष्टि भएको हो ।

३० महिलासहित थपिएका सङ्क्रमितहरुमा डेढ वर्षको बालकदेखि ८० वर्षको वृद्धसम्म रहेको नारायणी अस्पतालका प्रवक्ता डाक्टर अतुलेशकुमार चौरसियाले जानकारी दिनु भयो ।

नारायणी अस्पतालको पिसिआर प्रयोशालामा पर्सा, बारा र रौतहट जिल्लाको विभिन्न स्थानबाट ल्याइएको ५ सय ७६ वटा थ्रोट स्वाबको नमुनाहरु परिक्षण गर्दा थप १ सय १० जनामा सङ्क्रमण पुष्टि भएको हो ।

थपिएका सङ्क्रमित मध्ये पर्साका ६९ जना रहेका छन् । पर्सामा बीरगंज महानगरपालिका भित्रका ४९ जना छन । त्यसैगरी पर्सागढी नगरपालिकाको वडा नम्बर ४ र ७ गरेर सात जना, बहुदरमाई नगरपालिकाको वडा नम्बर ४ र ५ गरेर पाँच जना, पोखरिया नगरपालिकाको वडा नम्बर ४ र १० गरेर चार जना र कालिकामाई गाउँपालिकाको वडा नम्बरको २ को चार जना रहेका छन् । २४ जना बारा जिल्ला र १७ जना रौतहट जिल्लाका हेका छन् ।

त्यस्तै बारा जिल्लामा थपिएका सम्पूर्ण सङ्क्रमितहरु कलैया उपमहानगरपालिकाको विभिन्न वडाका बासिन्दा हुन् । त्यसैगरी रौतहटको यमुनामाई गाउँपालिकाको वडा नम्बर ३ का १७ जना सङ्क्रमित थपिएका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।