पर्सामा शुक्रवार बिहान सार्वजनीक भएको रिपोर्ट अनुसार २७ जना संक्रमीत थपिए

8/14/2020 गते 00 00 मा प्रकाशित 1080 पटक पढिएको

वीरगञ्जस्थित नारायणी अस्पतालले शुक्रवार सार्वजनिक गरेको पछिल्लो विवरण अनुसार पर्सामा थप २७ जनामा कोरोना सङ्क्रमण पुष्टि भएको छ ।

रिपोर्ट अनुसार भारतीय महावाणिज्य दुतावासका कर्मचारी, नारायणी अस्पतालमा कार्यरत चितिक्सक, नेपाली सेनाका सिपाही, स्वास्थ्यकर्मी, सरसफाई कर्मचारी, बैंकमा कार्यरत कर्मचारीमा कोरोना सङ्क्रमण देखिएको हो ।

पर्सा जिल्लाका २७ जनामा कोरोना संक्रमणको पुष्टि भएसगै शुक्रवार आएको रिपोर्टमा बारा जिल्लाका २१ जना र महोत्तरी जिल्लाका २ जना गरी जम्मा ५० जनामा सङ्क्रमण पुष्टि भएको छ ।

नारायणी अस्पतालमा कार्यरत चार जना चिकित्सक,ग्लोबल आइएमई बैंक वीरगञ्ज शाखाका एक जना कर्मचारी ,अस्पतालका एक जना सफाई कर्मचारी तीन जना सुरक्षा गार्ड सहित नारायणी अस्पतालका मात्रै १२ जना संक्रमीत भएका छन ।

पर्सामा थपिएका सङ्क्रमितहरु वीरगञ्ज महानगरपालिका वडा नं. २ छपकैया, वडा नं. ४ विर्ता र लोहारपट्टी रोड, वडा नं. १० घडिअर्वा, वडा नं. ११ श्रीपुर, वडा नं. १३ मुर्ली, वडा नं. १५ भिस्वालगायत वडाका वासिन्दा रहेको नारायणी अस्पतालका मेडिकल सुपरिनटेन्डेन्ट डा. मदनकुमार उपाध्यायले जानकारी दिनु भयो ।

त्यस्तै बारा जिल्लाको जितपुरसिमरा महानगरपालिकाको वडा नं. १४ देखि वडा नं. १५ सम्मका २० जना र विश्रामपुरका एक जना गरी २१ जनामा र महोत्तरीका २ जनामा सङ्क्रमण पुष्टि भएको छ ।

२ वर्ष देखि ६९ वर्ष उमेर समुहका सङ्क्रमितमा १२ जना महिला रहेको अस्पतालको पिसिआर ल्याबले जनाएको छ । थपिकेका मध्ये केही कन्ट्याक्ट ट्रेडिङ र केही स्वेच्छाले आफ्नो परीक्षण गराएका रहेका छन् ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।