बीरगंजको शिल क्षेत्रमा परिक्षण द्रुत पारिने,हजार जनाको थ्रोटस्वाब संकलनकालागि बिशेष टोली परिचालन

5/7/2020 गते 00 00 मा प्रकाशित 1406 पटक पढिएको

बीरगंज २५ बैशाख ।

बीरगंजमा एकै परिवारमा १७ जनालाई कोरोना भाइरसको संक्रमण पुष्टि भएपछि कोरोना भाइरसको परिक्षणलाई बढाइने भएको छ । परिक्षण छिटो र द्रुत गतीमा गर्न सरकारले बिशेष टोली नै परिचालन गरेको छ ।

स्वास्थ्य तथा जनसंख्या मन्त्रालयले कोरोना संक्रमित फेला परेका संख्याको आधारमा जोखिम र संवेदनशील देखिएको बीरगंज लगायतका क्षेत्रमा थ्रोट स्वाबको नमूना संकलन गर्न विशेष टोली परिचालन गरेको छ।

इपिडिमियोलोजी तथा रोग नियन्त्रण महाशाखाको नेतृत्वमा नेपाली सेनासहितको टोली स्वास्थ्य मन्त्रालयले बीरगंज नेपालगंज र उदयपुर पठाएको स्वास्थ्य तथा जनसंख्या मंत्रालयका प्रवक्ता बिकास देवकोटाले जानकारी दिनु भयो ।

बीरगंज माहानगर को वार्ड नम्बर १,२,३ मा समुदाय स्तरमा कोरोना परिक्षणकोलागि पठाइएको टोली बीरगंजमा आइपुगेको छ । टोलीले कसरी काम गर्ने भन्ने बिषयमा आज बीरगंज महानगरपालिकाका प्रमुख बिजय सरावगीसंग छलफल गरेको छ ।

छलफलमा संघीय सरकार ,प्रदेश सरकार नेपाली सेना तथा बिश्व स्वास्थ संगठनको प्रतिनिधिहरुको सहभागिता रहेको थियो ।

बीरगंजबाट एक हजार जनाको थ्रोट स्वाब परिक्षणकालागि संकलन गरिने छ । सरकारले परिचालन गरेको बिशेष टोली बीरगंजमा आइपुगेको छ । वीरगञ्‍ज महानगरपालिका–३ छपकैयामा हिजो एकै दिन २ महिने शिशुसहित १७ जनामा संक्रमण पुष्टि भएको थियो।

देशभर हालसम्म पीसीआर विधिबाट १४ हजार ५०९ नमूना परीक्षण गरिएको छ। त्यस्तै आरडीटी किटबाट ५४ हजार ९३ नमूना परीक्षण गरिएका छन्। क्वारेन्टाइनमा आजसम्म १७ हजार ३७२ जना रहेका छन्।

मन्त्रालयले क्वारेन्टाइनमा बस्ने मानिसहरुलाई व्यक्तिगत सरसफाइमा ध्यान दिन, साबुन पानीले हात धुने, मास्क प्रयोग गर्ने, सूचनाका लागि स्वास्थ्य तथा जनसंख्याका मन्त्रालयका सूचना हेर्न अनुरोध गरेको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।