भरतपुर अस्पतालबाट २७ वर्षिय युवा कोरोना जीतेर घर फर्किए

4/25/2020 गते 00 00 मा प्रकाशित 1279 पटक पढिएको

भरतपुर १३ बैशाख ।

भारतपुर अस्पतालमा उपचारकालागि भर्ना भएका २७ वर्षिय युवा कोरोना भाइरसको संक्रमण मुक्त भएका छन । उनलाई अस्पतालले आजै शनिवार डिस्चार्ज गरेको छ ।

तर उनी अस्पतालकै आईसोलेसनमा बसेका छन् । उनीसंग अस्पतालमा रहेकी उनकी आमामा भने संक्रमण पोजेटिभ नै देखिएको अस्पतालले जनाएको छ ।

अस्पतालका सूचना अधिकारी लिलाधर पौडेलका अनुसार लगातार दुई पटक गरिएको परीक्षणमा छोराको नेगेटिभ देखिएको हो ।

उनलाई शनिबार दिउँसो औपचारिक रुपमा डिस्चार्ज गरिएको छ । आमा अस्पतालमानै रहनु पर्ने भएकाले उनी आमालाई कुर्ने गरी अस्पतालकै छुट्टै क्वारेन्टाईनमा बसेका हुन् ।

पौडेलका अनुसार राप्ती नगरपालिका वडा नम्बर ८ निवासी ६५ वर्षिया आमा र २७ वर्षिय छोरा चैत ३ गते बेलायतबाट यी आमा छोरा हङ्कङ हुँदै नेपाल आएका हुन । दुई दिन काठमाडौं बसेर उनीहरु घर आएका थिए ।

हाल अस्पतालमा रहेका आमा छोरामा रोगको लक्षाण नदेखिएको अस्पतालका सूचना अधिकारी पौडेलले जानकारी दिनुभयो । उहाँका अनुसार तीन दिन पछि पुनः आमाको स्वाब परिक्षण गरिने छ ।

शरीरबाट भाईरस मुक्त भए पनि केही समयसम्म एन्टीवडि रहने भएकाले नेगेटिभ देखिएपछि पनि कम्तिमा एक साता क्वारेन्टाईनमा राख्नुपर्ने चिकित्सकको भनाई छ ।

परिवारका सदस्य, उनीहरुसँग निकट भएका एम्बुलेन्स चालकदेखि अन्य व्यक्तिहरुलाई हाल राप्तीको ब्रम्हनगरको क्वारेन्टाईनमा राखिएको छ । ¥यापिड डाईग्नोष्टिक टेष्टमा सबैको नेगेटिभ देखिएको भरतपुर अस्पतालका अध्यक्ष डा। भोजराज अधिकारीले जानकारी दिनुभयो ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।