बीरगंज १० चैत ।  सन् २०१९ को डिसेम्बरदेखि चीनको वुहान सहरबाट फैलिएको कोरोना भाइरस (कोभिड–१) अहिले विश्वभर फैलिइसकेको छ। विश्वलाई नै आतंकित बनाएको यो भाइरसबाट १४ हजारभन्दा बढी मानिसले ज्यान गुमाइसकेका छन्।

विश्व स्वास्थ्य संगठनले विश्वव्यापी माहामारी घोषण गरिसको छ। तर नेपालमा कोरोना भाइरसको संक्रमणबाट बच्नका लागि सरकारी उदासिनता भने आश्चर्यलाग्दो छ।

कोरोना भाइरसको संक्रमण भएपछि लामो समयसमम्म रुघाखोकी देखिने, उच्च ज्वरो आउने, टाउको दुख्ने, श्वासप्रश्वासमा समस्या हुने र असर गम्भीर भएमा निमोनिया हुनुका साथै मिर्गौलाले काम गर्न नसक्ने भई मानिसको मुत्यु समेत हुने डा.निरज सिंह बताउनु हुन्छ ।  कोरोना संक्रमित व्यक्तिले खोक्दा, हाछ्युँ गर्दा भाइरस भएको ठाउँमा छुँदा र राम्ररी हात सफा नगरी नाक, मुख, आँखामा स्पर्स गर्दा संक्रमण हुन्छ यस्तोमा ध्यान दिनु पर्ने उहाँको सुझाव छ।

यसको जोखिम श्वासप्रश्वाससँग सम्बन्धित रोग भएका, वृद्धवृद्धा, मधुमेह, उच्च रक्तचाप भएका व्यक्तिमा बढी हुने बताइएको छ। शरीरमा कुनै मिल्दो लक्षण आएमा नजिकको स्वास्थ्य संस्थामा जानुपर्छ तर शरीर, परिवार र आफ्न्तको माया त्यागेर स्वास्थ्य सेवामा खटिने स्वास्थ्यकर्मीले नै सुरक्षा महसुस गर्न सकिरहेका छैनन्।

कोरोना भाइरस संक्रमण भएका बिरामीको उपचारमा संलग्न कतिपय स्वास्थ्यकर्मी नै संक्रमित भइसकेका छन्। कतिपय देशमा त स्वास्थ्यकर्मीको मृत्यु समेत भइसकेको छ। पछिल्लो विवरणअनुसार चीनमा करिब ३ हजार ३ सय स्वास्थ्यकर्मीमा कोरोना भेटिएको छ र जसमध्ये १३ जनाले ज्यान समेत गुमाउनु परेको छ।

यसैगरी इटालीमा पनि करिब २ हजार ६ सय २९ स्वास्थ्यकर्मी संक्रमित भएका छन्। यस्ता स्वास्थ्य सेवा गुणस्तरीय मानिएका विकशित देशहरुमा त स्वास्थ्यकर्मी यति धेरै जोखिममा छन् भने हाम्रो देशमा कति जोखिम होला सहजै अनुमान सकिने डा सिंहको भनाई छ।

स्वास्थ्य सुरक्षाका दृष्टिले पनि स्वास्थ्यकर्मी त्यति सुरक्षित छैनन्।  स्वास्थ्य सुरक्षाका लागि चाहिने विषेश किसिमको माक्स, गाउन, ग्लोब्स, गगल्स लगायतका सामग्री स्वास्थ्यकर्मीलाई उपलब्ध हुनु अति आवश्यक छ। स्वास्थ्यकर्मीलाई विना सुरक्षा सामग्री सेवामा खटाउँदा स्वास्थ्यकर्मीबाटै संक्रमण फैलन सक्ने जोखिम छ।

यस्तो अवस्थामा स्वास्थ्यकर्मीको सुरक्षाको सरकार संवेदनशील बन्ने समय आएको छ। अहिले स्वास्थ्यकर्मीलाई लडाइृमा जान त भनिएको छ तर हतियार केही पनि दिएको छेन । हतियार बिहिन सेना लडाइृमा पठाउदा के हुन्छ यस बिषयमा सरकारले बिचार गर्नु पर्ने उहाँको मत छ । यद्धपी राज्यले हाम्रो योगदा खोजिरहेको बेलामा हामी त्यो योगदान भने गर्न तयार छौ ।

टिभि बीरगंजले आयोजना गरेको कार्यक्रममा ब्यक्त धारणामा आधारितःसम्पादक