नेपालमा परिक्षण गरिएका कोही पनि कोरोना संक्रमीत छैननः स्वास्थ्य मंत्रालय

3/10/2020 गते 00 00 मा प्रकाशित 1196 पटक पढिएको

काठमाण्डौ २७ फाल्गुण ।
नेपालमा हाल सम्म परिक्षण गरिएका कसैमा पनि कोरोको संक्रमण नदेखिएको स्वास्थ्य तथा जनसंख्या मन्त्रालयले जनाएको छ । संक्रमण नदेखिएपनि सम्भावित जोखिमलाई मध्यनजर गरि संक्रमण भित्रन नदिन यथोचित व्यवस्था गरेको मंत्रालयले जनाएको छ ।

नेपालमा ४ सय ४१ जनामा कोरोना भाइरसको आश‌ंकामा नमुना परीक्षण गरिएकोमा परीक्षण गरेका सबैमा कोरोना भाइरस भनेर चिनिने कोभिड १९ को संक्रमण नभेटिएको मंत्रालयले जनाएको छ ।

मन्त्रालयले माघ ९ गते चीनको बुहानबाट आएका एक जनामा कोरोना संक्रमण देखिएपछि शंकास्पद व्यक्तिको नमुना प्रयोगशालामा जाँच गर्दै आएको छ। बुहानबाट आएका ती व्यक्तिको नमुना हङकङमा पठाइएको थियो। त्यसपछि भने मन्त्रालयले नेपालमा नै आवश्यक किट मार्फत कोरोना परीक्षण सुरु गरेको हो।

विमानस्थलमा थप जनशक्ति तथा उपकरण व्यवस्था गरिएको उल्लेख गर्दै मन्त्रालयले संक्रमण रोकथामका लागि नियमित रुपमा औषधिसहितको स्प्रे गर्ने कार्य भइरहेको जनाएको छ।

छिमेकी मुलुकहरुसँग स्थलमार्गका ३७ नाकाहरुमा प्रदेश र स्थानीय तहसँग सहकार्यमा हेल्थ डेक्स स्थापना गरि नेपाल भित्रिने यात्रुको चेकजाँच सुरु गरिएको मंत्रालयले जनाएको छ।

मन्त्रालयले औषधि र औषधिजन्य सामग्री आदिको अभाव हुन नदिन अनुगमनलाई थप प्रभावकारी बनाइएको र देशभित्रको उत्पादन क्षमतालाई बढाउन आवश्यक पहल गरिरहेको जनाएको छ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।