नारायणी उपक्षेत्रीय अस्पतालमा भएको शुल्कबृद्धिको बिरोधमा आन्दोलनको घोषणा

4/25/2018 गते 00 00 मा प्रकाशित 1954 पटक पढिएको

बीरगंज १२ बैशाख ।

बीरगंजका सचेत युवाहरुको एउटा जमातको आज बीरगंजमा बसेको बैठकले नारयाणी उपक्षेत्रीय अस्पताल बिकास समितिले गरेको निर्णयका बिरुद्ध आन्दोलनको घोषणा गरेको छ ।

नारायणी उपक्षेत्रीय अस्पतालले आलै आफूले दिदे आएको सेवाको शुल्कमा बृद्धि गरेको छ ।

अस्पतालले गरेको शुल्कबृद्धि अब्यवहारिक र अबैज्ञानिक भएको भन्दै युवाहरु आन्दोलनमा उत्रिएका हुन । शुल्कबृद्धिको निर्णय फिर्ता लिन दवाव दिन युवाहरुले प्रदेश सरकारका स्वास्थ्यमंत्री,पर्साका स्थानीय प्रशासनीक निकायका प्रमेखहरु अस्पताल बिकास समितिका अध्यक्ष समेतको ध्यानाकर्षण गराउदा समेत कुनै सुनवाई नभएको युवा समाजका अध्यक्ष कमल चौगाईले बताए ।

आम जनताको स्वास्थ्यको अधिकार नेपालको सम्बिधानले मौलीक हकको रुपमा सुनिश्चित गरेपनि सरकारले दिने स्वास्थ्य सेवामै धेरै शुल्क तिर्नु पर्दा ४७ प्रतिशित गरिवीको रेखामुनी रहेका मधेशका जनताको अवस्था झनै दर्दनाक हुने भएकोले आफूहरु आन्दोलनमा उत्रिनु परेको ओमप्काश सर्राफले बताए ।

युवाहरुले पुरानै शुल्कमा समेत कटौती हुनु पर्ने माग राखेका छन । नयाँ बढेको शुल्क हटाउनु पर्ने उनीहरुको माग गरेको छ । आफना मागहरु पुरा गराउनकालागि आन्दोलन बाहेकको बाटो नभएकोलेले आफूहरुले आन्दोलनको घोषणा गरेको बिद्यार्थी नेता शिवम साहले बताए ।

बैशाख १४ गते शुक्रवार शुक्रबार प्ले कार्ड सहितको अस्पतालको मुल गेटमा प्रर्दशन र १६ गते,प्ले कार्ड सहित अस्पताल परिसरमा एक घण्टा धर्ना, दिने आन्दोलनको कार्यक्रम तय भएको छ ।

तपाईं हामीसंग फेसबुक र ट्वीटर मार्फत् पनि जोडिन सक्नुहुन्छ ।